[النمر1012]

ياعضيدي فزعتك ماعاد اللي بالنفس حيله
بالصبر دافعتها لين انتهاء وزريـت عنهـا
نفس(ن)الله ساقها يمه وامرهـا تنحنيلـه
كفن تله بالغلا مثل الجنـازه فـي كفنهـا
والمصيبه من له استفزع وجاهي من يجيلـه
ومن حقوقه بالحياه ونيتي عنـده ضمنهـا
ومن يصدق بالغلا اللي صار في يومن وليله
الغلا اللي لزمه نفسي باهالدنيـا رسنهـا
امر لو ني سمعتـه قبـل ماصـدق دليلـه
وقصتة(ن)لاسمعها العاقل سكت محتار منها
امر من رب(ن)جبال الارض تخشعله ذليله
والسما والارض ملكه كلها واللي سكنها
مالك الارواح رب(ن)ماعلى امره مستحيله
يبعث امواتن فنت بالارض وفنا من دفنهـا
والله اني غير لعلـن بالغـلا لـو مايبيلـه
دام نفسي ربي اللي بالغلا عنـده رهنهـا
وشتكي ونخا الرجال الطيبين من القبيلـه
الرجال اللي تضحي بالعمار لمـن زبنهـا
ولاحسبت حساب نقد اللي يغطون الجميله
الرجال اللي مع ابليس الرجيم الله لعنهـا
ياجميـلات المثايـل لاعبينـي وذهبيـلـه
وعلميه انه يمـون وعندنـا يامـر وينهـا
جاتلك يسبق رعدها البرق في صدر المخيله
وفرحت ناس(ن)ثمان اسنين ماربع وطنهـا
والله اني راعي الوقفـات شيـال الثقيلـه
قلتها لو ان مدح النفس منقود(ن)طعنهـا
مالفيتلها وحيد بدون بيـت ولا حليلـه
ولا وراها مال والا املاك نطمع في ثمنهـا



خليف الوهيداني

الموضوع الأصلي: وقصتة(ن)لاسمعها العاقل سكت محتار منها الشاعر خليف الوهيدانيييييييي | | الكاتب: النمر1012 | | المصدر: شبكة بني عبس

[كاتب الرشيدي]

النمر 1012
دائماً مميز بأختياراتك
اجدت الأختيار

وصح لسان الوهيداني

[العاقل]

اختيار موفق وصح السان الشاعر /خليف الوهيداني

[النمر1012]

صح بدنكم والله يسلمكم وعافيكم وياهلا ومنورين بالتواجدكم ومروركم ومشكرين علي المرورررررررررررررررررررررر

[عادل بن هون]

رائع دائما ابوفيصل

[النمر1012]

مشكور علي المروررررررررررررررر يابن هون