[عواض بن بهلان]

السلام عليكم ورحمة الله وبركاته
اقدم لكم هذي القصيده
في صاحب القلب الابيض
وراعي الوفاء
ابو مشعل
الشيخ= زارع بن زاهي بن عدله

شعري عطاني عهد وعطيته عهود = ياكثر ماعطيته وياما عطاني
من فضل ربي مايجي فيه منقود = الواحد المعبود والعمر فاني
معاهده اصدق مع المدح مازود = بالشعر والله مايجامل اللساني
واليا مدحت امدح هل الطيب والجود = اللي لهم وقفات عبر الزماني
ومن يجحد هل الطيب ياناس مجحود = والمحسن الله يرزقه بالحساني
مثل ابو مشعل بالمواقف له شهود = مشهود له يطيب قاصي وداني
يفزع معك مضهود او منت مضهود = والطيبه في فعلها مايعاني
يكفيك لامنه بذل معك مجهود = عن فعله المجهود والله كفاني
درب الردى بذات عنك أنت مسدود = انا اشهدنك ماتطيقه ثواني
هذا ابو مشعل عقبه عود من عود = ابن الرجال معربين المجاني
يطرب اليا منه سمع صوت بارود = مايطربه صوت اللحن والاغاني
شخصيته اتسود وتسود وتسود = له قيمتٍ له هيبتٍ له مكاني
وعساك ماتفقد ولا تصير مفقود = ويطول عمره بالفرح والتهاني
وعسى العذارى كل ماتجيب مولود = يشبه ابو مشعل بكل المعاني
ومعاهده اصدق مع المدح مازود = بالشعر والله مايجامل اللساني

الموضوع الأصلي: ابو مشعل | | الكاتب: عواض بن بهلان | | المصدر: شبكة بني عبس

[لحظة هدوء]

والنعم فيك وبـ أبو مشعل
قصيدهـ جزله وشآأإعر جزل
أسجل أعجابي في هالقصيدهـ الراآأإئعه
صح لسآأإنك وعلىآ شآأإنك

مثل ابو مشعل بالمواقف له شهـود مشهود له يطيـب قاصـي ودانـي

بيت رآأإئع لكن أعتقد ن هناك غلط مطبعي

دمت بود

[برق الوسم]

عواض بن بهلان
صح لسانك قصيده وافيه من وفاء راعيها
ويستاهل الشيخ زارع بن عدله
لاهنت ..وتقبل مروري

[ذيبان الرشيدي]

والله
يابن بهلاان

قصيده كايفه

وحيابك
من بعد الغياب
ويستاهل
بو مشعل الخير كله
وأنت
تستاهله يالنشمي

وافيه
من وافي

صح الله لساانك

دمت
بخير وعافيه

[مجهول الهويه]

صح اللسانك على القصيده

[كاتب الرشيدي]

صح اللسانك يابن بهلان

ومن طول الغيبات جاب الغنائم

وانت جيتك لنا غنيمة


تقبل مروري

[ابوزيـــد]

[u]بيض الله وجهك يا عواض
[/u]