[النمر1012]

ما ني أول من ترجى غايب ماراح يرجع للمدينة
لكن أدري إني أول من زرع درب المدينة بالغياب


وإني أول من خذا شعره من شفاف العذارى لي ضنينه
وإني أول من حضر عرس الشموع لحزة الفرقا وغاب


ما هي الدعوى كلام وشعر شيطان تغنى من قرينه
لكن الدعوى خفوق عجزت ضلوعي تشيله ثم ذاب


يوم طاح وطاحت يديني معه ما قلت له يلعن سنينه
كيف يرحل ما ترك لي غير جرح خالطه سم وعتاب


يوم ودعني وقفا يوم يعطيني دموعه في دينيه
آه وموتي هالهدية لفها لي دمع وعيونه كتاب


ما قريته خوفي ألقى موتي اللي ارتكى في دفتينه
ولا قراني خايف تطلع وعودي له سراب في سراب


وكانت وعودي سراب وكان يدري ضمها بينه وبينه
وكان اهو صادق وأصدق من كلام الشعر واحساس العذاب


ويوم ودعني دريت الله حسيبه ماكتبت إلا لعينه
صار شعري كافرأسلم وصدق كذبته صلى وتاب


الهوى تفاحة آدم والغلا سكين حواء والسكينة
لا اغرزت نصل الغلا بين حدبك يالحنايا ناب ناب


إيه ياليلة غيابه هو درى باللي كتبته للمدينة
يوم أزرعها غياب في غياب في غياب في غياب



ذعار الرشيدي

الموضوع الأصلي: لكن أدري إني أول من زرع درب المدينة بالغياب | | الكاتب: النمر1012 | | المصدر: شبكة بني عبس

[الاعلامي]

صح لسان الشاعر وكل الشكر لك على النقل

[شداد المظيبري]

صح لسانه عالابيات الرائعه
تسلم عالنقل

[النمر1012]

صح بدنكم والله يسلمكم وعافيكم ومشكورين علي المروررررررررررررررر