[وسام عبس]

ياصاحبي للحين عندي أمل فيك
عندي أمل في مقبلات الليالي
هذي سنه مرّت وانا في تحريك
أنطر رجوعك يابعد كل حالي
ياليت تدري قلبي شكثر مغليك
وليتك تحس بلهفتي وإنشغالي
ماكان بعت اللي من الناس شاريك
اللي على شانك رخص كل غالي
احتاجلك في كل لحظه واناديك
مامر يوم إلا تجي وسط بالي
والله ( أحبك ) حب مافيه تشكيك
والله ( أحبك ) حب وصفه خيالي
أنت الذي لاغبت عني أحاتيك
كني احاتي واحد ٍ من عيالي
من كثر ماني صرت احاتيك واطريك
مرات أبي عمي اناديه .... خالي
ماقمت أجمع بين ذولا وذوليك
ولاهمني غيرك من اول وتالي
تكفى ترد وتشبك ايدّي بيديك
ترى رجوعك بس هو راس مالي
وإن كان ودك تعرف شكثر مغليك
؟؟ هذي سنه مرّت ودايم في بالي

الموضوع الأصلي: ياصاحبي للحين عندي أمل فيك | | الكاتب: وسام عبس | | المصدر: شبكة بني عبس

[ابوذكرى]

ارفع لك الرايه بيض الله وجهك على تلك القصيده الذي ينبعث منها الود والاحساس لكل مخلوووووووق
وتقبل خالص تحياتي

[سيف المهيمزي]

صح لسانك على هذا الابداع

[شموخ إنسانه]

أبيات قمة الروعه والذوق

صح لسانك يالغلا ولاهنت

قصيدة راقتّ لـ ذائقتي

حفظك المولى ودام نبضك

ودي:

شموخ

[رواية]

قصيده جميله رغم الحزن وألم الفراق
صح لسان قائلها وناقلها

[&سقرآط]

سلمت على نقلكـ

[مذكر الرشيدي]

مشكوووووور والله يعطيك الف عافيه

بيض الله وجهك

صح لسانك

[النمر1012]

وإن كان ودك تعرف شكثر مغليك
؟؟ هذي سنه مرّت ودايم في بالي
صححححححححححححححح اللسانككككككككك الله الله الله الرائعه سلمت يمناك اخووووووو وسام
وتقبل روررررررررررررررررر