[وحيد]

عليك صبري ياحزن كل ماهمـت
. . . . مع الخيـال و كـل { ذكـرى} قريبـه

والموت لامن حار دمع و تبسَمـت
. . . . يطغي عليَ العـز و{ تصيـح }هيبـه

ودنقت ثم افقد شعـوري وسلَمـت
. . . . للدمع حالي { ليـن } يبطـي صبيبـه

يا صاحبي قبل الحكي لـو تلعثمـت
. . . . ضاقت صدور { اهل } الصدور الرحيبـه

وش ينفعك عقب البطـا لا تندَمـت
. . . . وين انت عن صوت { الخفوق } و نحيبـه

كم لي انادي لك و لكن تفهمَـت
. . . . ماكل شـي ٍ { خاطـري بـه } بجيبـه

لاتعتذر للجرح و البعد مادمـت
. . . . فرطت في قلـب ٍ { تغشَـاك } طيبـه

صعب التفت وارجع ليامن تقدَمـت
. . . . منت بنصيب الي { رجا بـك } نصيبـه

أسرفت في جرحي وانا ماتكلَمـت
. . . . وقلت الخطا { وارد } و قلب وحبيبه

ماهي مصيبه لو خطيت وتعلَمت
. . . . تخطي و { ترجع بالخطا } ذي مصيبه

ولاهي غريبه إن جرحت وتألمت
. . . . لكن بجرحي { تبتسـم } , ذي غريبـه

واليوم مالي بـ/ الهوى لو تكرمت
. . . . و جرحي مع الايـام { بلقـا } طبيبـه

خل المشاعر ترقد { بعالم الصمـت }
. . . . و الحب بعد الي حصل , لاتحكي بـه

الموضوع الأصلي: عليك صبري ياحزن كل ماهمـت | | الكاتب: وحيد | | المصدر: شبكة بني عبس

[سحايب]

الله الله صح الســان شاعرها
وسلمت يمناك على النقل

[بندرأبن طريف المظيبري]

الله الله صح الســان شاعرها
وسلمت يمناك على النقل

[مذكر الرشيدي]

صح لسان قائلها ولا هنت على الابداع والتميز والاختيار في النقل المميز

[وحيد]

نورتم جميعاً الله يسعدكم

[مروان الرشيدي]

لاتعتذر للجرح و البعد مادمـت
. . . . فرطت في قلـب ٍ { تغشَـاك } طيبـه



أنا أششهد


لاهنت ياوحيد مميز في نقلك

[وحيد]

ومن قال يامروان
مرورك اسعدني

[النمر1012]

صح لسان قائلها ولا هنت على الابداع والتميز والاختيار في النقل المميز