[المشتاق1]

ويلاه من قلبن ذكرك أخر الليل
يذكر وفاك ويذكر ماضي اليالي
قمت اتقالب طول ليلي من الويل
أذكر وفاك واذكركل شين مضالي
لبيه يذاك أزمن لو يرجع لوهو ميل
بس كان كل شين له طعم حالي
ياصحابي من فرقاك الهم عيايزيل
وجوي من بعدك ولايوم صفالي بس أتذكر الماضي وتذكر الجميل
وترجع لقلبن ولايومــــ سالي
مثل الارض إلي لها اسنين ماجاها سيل
والله رزقها بسحاب دوم همالي
وأخضرت وصارالبدوفيها نزيــــــــل
وصارت بذكر اناس تذكربالكمالي
واليوم مثل البدو القلب يبي الرحيل
صوب الحبيب الي في القلب غالي
حاولت اصده وسويت المستحــــيل
لكن بحلم الليل يجي دايم قـــبالي

ارجو التعليق علي هذي القصيده لكي استفيد من تعليقتكم

الموضوع الأصلي: دمعة حـــــــــــــــــزين | | الكاتب: المشتاق1 | | المصدر: شبكة بني عبس

[برق الوسم]

صح لسانك
اسمح لي بنقل القصيده للمكان المناسب حتى تستفيد من تعليقات الاخوان اكثر هنا
تحياتي لك ...

[ابن فجوان]

حيااك ربي أخوي المشتاق
شكراً على المحاوله لاكن القصيده فيها خلل الوزن الواضح
في معضم أبياتها

تحياااااااااااااتي

[كبرياء امراة]

يسلمووو..والله يعطيك العااافيه
لك تحياااتي

[المشتاق1]

ابن فجوان لك الشكر علي انتقدك بس ياليت وضحت الخلل في الوزن اي من الابيات لكي يتم تعديلها واتمني لك التوفيق

[المشتاق1]

لك جزيل الشكر ياكبرياء امــــــــــــــــراة علي الرد الجميل واتمني لك التوفيق

[كاتب الرشيدي]

هلابك المشتاق1

أول شطر من القصيدة
لحنها علية وتجد الخلل

منا للنقاد

رغم أني اشوفهم مقلين الأيام هذه

[بركه الخياري]

صح لسانك اخوي المشتاق القصيده فيها خلل بالوزن
واسمح لي ان أعدل هذا البيت فقط
عشان يطلع سليم

ويلاه من قلبٍ ذكرك اخر الليل
يذكر وفاك و ماضيات الليالي