[فارس العازمي]

السلام عليكم ورحمة الله وبركاته

ياحمود أبحاول وأسوي لـي إيميـل

وأشغّل المايـك وأصّـوت وأنـادي

أنا لقيـت الوضـع كلـه تساهيـل

وتوّي عرفت إني من سنيـن غـادي

أثر التطوّر ينعـش القلـب بالحيـل

ولقيت به ياحمـود غايـة مـرادي

واليوم أنـا ودعـت شرابـة الهيـل

وحسام صاحبتـه وكنسلـت هـادي

وإقلط تقهوّ إنسى ولو مانـي بخيـل

بس الحضاره عندهـا شـئ عـادي

ليا متـى نشـرب بربـع الفناجيـل

ونحط فوق العيـش قوطـي زبـادي

وليا متـى تفضلـوا وأذبـح الحيـل

وليـا متـى حطـوا قنـاة البـوادي

وليا متى يـا مرحبـا يـا رياجيـل

وتليمـوا كثـر الدبـا والـجـرادي

خلاص راح الجيل الأول وجاء جيـل

الجيل هـذا كـل شخـص إنفـرادي

شف شنهي الموضات وإن مالوا نميل

ونضرب معاهم كـل شـارع ووادي

نبي نجرب وإتـرك القـال والقيـل

وخلك معي مانـي معـاك متمـادي

وإن ماعجبنا الوضع نشري فناجيـل

ونحط من فـوق البعيـر الشـدادي

ونطفـي الإيميـل ونهـرج بالخيـل

ونقول طيـر فـلان لاطـار صـادي

ونقـول للشيبـان ماشفتـم سهيـل

قولـوا لنـا متـى يجينـا البـرادي

ونقول لا زاد المطر صح جاء سيـل

خلك معي ياحمود وإخـذ أعتمـادي

ونرجع على تمر الحساء والمعاميـل

وننسى حسام ونلتفـت يـم هـادي

وختامها يا رب عفوك عـن الميـل

وادعوا معي يـارب تحفـظ بـلادي

الموضوع الأصلي: ياحمود أبحاول وأسوي أيميل | | الكاتب: فارس العازمي | | المصدر: شبكة بني عبس

[لعلها خيرة]

ابياااات جميله
يعطيك العافية يا فـــــــــــــــــــــــارس

[أمـــير بـكلمتي]

ااااااااااوه روع9ه التطور وابيات القصيده الجميله

تحياتي لك اخي فارس العازمي

[• طہَإلً انتہَظہَ‘ـٍَ_ـاريَ•]

ابياااات جميله
يعطيك العافية يا فـــــــــــــــــــــــارس

[نواف بن مفضي]

فارس انت شاعر غيرعادي صح الله السانك

[نايف بن شميلان]

صح لسانك وعلا شااااانك




مبدع دائماااااااا وتقبل مروري وشكري