[الفيلسوووف]

خاتم سليمان
توكلنا على اللي يخرج الاحياء من الاموات
وامر المقبره والموعظه بقبور الامواتي
زهمت الهاجس اللي رايته بيضاء على الرايات
ولامني لقيت اهل الفقر كثرت صدقاتي

الفيلسوووف
توكلنا على الله وانت مثل المنتدى والشات
وانا رجال عارف منتداي وعارفٍ شاتي
ياخاتم لامتى وانت تعرج وتكسر الابيات
ليا هالحين ماعلمك وقتك وزن الابياتي

خاتم سليمان
بغيت الوعل بالرميه وصدنا انكر الاصوات
اثر كل الحمير السود دايم حظ رمياتي
تعمدنا نبى نعرف صدور الناس والنيات
وعدلنا ومثبور العزايم خلف عثراتي

الفيلسوووف
ترى تعديلك لبيتك دليلٍ معتبر واثبات
على انك تعترف بالحق لاتخشى ولاتحاتي
ياشين الحي لامنه تعلق له بشخصٍ مات
على قل السنع والضعف وسطه يسرح وياتي

خاتم سليمان
على الامواس شمطان اللحى ماتحلق الشرهات
وانا ياهل الوفا مالحق الحساد شرهاتي
انا ماني وكيل ادم على الحسنات والسيات
ضعوف الخلق تشغلني بحسناتي وسياتي

الفيلسوووف
لو انه غيرك اللي كاسرٍ بيته غدى شمات
لقيته يجحد الكسر بثقه ويرد ويهاتي
على هالسالفه ياخاتم سليمان ود وهات
ضعوف الخلق ماتمشي معي وتسوي سواتي

خاتم سليمان
نصحكم عيد ابن مربح ياعبس مصايد الغرات
يقول الاقشر سياسي وربي فوق نياتي
الاياصاحبي كم رحلةٍ طارت من االرحلات
انا بسألك يوم انك تسافر بالمطاراتي

اتمنى تنال اعجااب الجميع

الموضوع الأصلي: تنسيق محااورة خااتم سليمان والفيلسوووف | | الكاتب: الفيلسوووف | | المصدر: شبكة بني عبس

[ولد حايل]

الله الله
محاوره جدا شيقه تجذب الانتباه
ممكن رابط المحاوره للمتابعه اكثر

[صاعوق]

محاااوره من الوزن الثقيل
اشكرك الفيلسوووف واتمنى ان تتحفنا بحضوورك الراقي

[ابن اخزيم]

ماشاء الله تبارك الله محاورة رااائعه
والله اني صرت من جمهورك يالفيلسووف
شاعر متمكن وخطير
صح لسانك
ولسان خاتم سليمان

[مشلش]

صح الله السنتكم جميع



بس خاتم جزل