[رشيد]

أنا ليا ضاق بالي ما تضيق الدروب
* نفسي تروم العلا وفجوج ربي وساع
.
ماني على رفقة النذل البخيل مغصوب
* ما دام غيره بشر والأرض فيها اتساع
.
خله يروح بوجه شام والا جنوب
* مالدت العين مع دربه نهار الوداع
.
استغفر الله عن تبع المقفي وأتوب
* وأعوذ بالله من رفقة خبيث الطباع
.
ما دام رزقي وعمري في الحياة محسوب
* ليه اتعب النفس وأرخصها وهي ما تباع
.
يوم أن غيري يحث خطاه في كل صوب
* كرامته في يده ويبيعها لو بصاع
.
يرخص ثمنها ولا يحسب حساب العيوب
* يرميبها في متاهات الخنا والضياع
.
أقرب للأسفاف من زلة لسان الكذوب
* وأبعد عن الطيب من حاجة بطون الجياع
.
يا شجرة العز ما عزك نسيم الهبوب
* سحابة الوجه ما تمطر على كل قاع
.
والله لو رأس مالي ما يجيني بثوب
* ماهين نفسي ولا ركب لوجهي قناع
.
غنات الأرقام ما تغني فقارا القلوب
* والفقر ما هوب عيره للكريم الشجاع
.
لا صار عرضك نزيه ولا اقترفت الذنوب
* ربحان لو عشت في الدنيا بليا متاع
.
..

للشاعر الكبير // عبدالله مقبل العتيبي

..
.

الموضوع الأصلي: لا صار عرضك نزيه ولا اقترفت الذنوب | | الكاتب: رشيد | | المصدر: شبكة بني عبس

[سعد محمد]

صح لسان الشاعر ولاهنت يا ناقل .

شكرآ لك على النقل .

[رشيد]

شكرا لمرورك على موضوعي وهذا شرف لي
ياولد الرياض