[عايد2001]

بتكلم بالعاميه عشان توصل الفكره



كلنا لاحظنا ضاهره تفشت بينا وبكثره خاصه بالجيل هذا والاجيال القادمه اكيد جايتها

هالضاهره اللي هي >الاتكاليه< اعتقد مفهومه عند الجميع

وصارت عنصر اساسي بجميع مجالاتنا العمليه ..المنزليه..الدراسيه..
محد يسوي شغله بنفسه لانه يدور الراحه ويسلمه لغيره

مثلا بالدوام والله اليوم بمشي ومتكل على فلان يسوي اللي باقي من شغلي امون عليه..

بالدراسه مالي خلق اكتب اليوم وعادي راح اصور بعدين من فلان..

بالبيت فلان جيب شحن جوالي بغرفتي..

انا طرحت هالموضوع لان اليوم اتكل علي واحد وبلشت فيه

ودي اناقشه معكم ونشوف اذا فينا هالطبع ولا لا

واسبابه وطرق علاج اذا نقدر نحله

وقال الشيخ الشعراوي رحمه الله

"مايحك جلدك مثل ظفرك..فتولى جميع امرك"

سؤال..؟

هل انت اتكالي ؟ كم تعطي نفسك درجة اتكاليه من 10؟

اذا اتكالي اوصف شعورك بانك مرتاح وتبلش غيرك؟

اذا اتكالي شنو سبب هالطبع؟

قول طرق علاج بنظرك تشوفها انسب؟


ملاحظه ما نعتبر المجبورين اتكالين مثل (مريض) او عنده ظرف منعه من تولي امره بنفسه


اذا انتـ /ـي اتكاليه لا تستحي قول اللي بخاطرك واستفيد منناوفيدنا

الموضوع الأصلي: اذا انت مالك خلق تسوي شي وتبلش غيرك اقلط وفيدنا معك.. | | الكاتب: عايد2001 | | المصدر: شبكة بني عبس

[شبراق]

والله انك صااااااج مدري شنو الحل ؟ ذبحنا الكسل وانا اختك

[ريتال الداموك]

سؤال..؟

هل انت اتكالي ؟ كم تعطي نفسك درجة اتكاليه من 10؟
لا والله ما إني إتكاليه ..لسبب بسيط إني ما أعرف أتكل على أحد بحاجه خاصه فيني ..لازم اللي أبيه أنا أسويه بنفسي عشان أتأكد أنه صار بالوجه اللي أبيه ...كمان أنا ما أحب شغل غيري بالحاجه الخاصه فيني ..يعني ما أقتنع إلا باللي أنا أسويه .^ ^

بالنسبه للي أنت بلشان فيه ..الله يعينك سو له الحاجه اللي طلبها منكـ ..مدامك زهلتها ^ــ^
لكن في المرات الجايه ..حاول تتعذر أو واجهه بالصراحه إنه لازم يتكل على نفسه <<إذا تمون عليه ..
وبالتوفيق يارب
شكراً على الموضوع ...

[كبرياء امراة]

موضوع,,,نااال اعجااابي,,
وانا للاسف,,
اعاااني من هذه العاده,,ياليت الكل يعتمد عنفسه,,
بنسبه لي,,ماحب اطلب احد باي شئ..
ام الاخرين,,
للاسف,,ياااكثر طلاباااتهم,,هع هع معطتهم وجه بقوه,,
ولكن هذا شئ طبيعي,,انت تحتاااج هذا هذا يحتاجك,,
وهكذا,,الحياه,,
لك حبي وودي

[المشعل]

هل انت اتكالي ؟ كم تعطي نفسك درجة اتكاليه من 10؟
الاتكاليه يكون ضررها اكبر وتكون بنسبه كثيره اذا كان هناك عمل اجتماعي بحيث ان البعض يعتمد على الآخر مما يسبب في اهمال او عدم انجاز العمل بشكل المطلوب ..
اما من ناحيه الشخصيه فلابد من الاتكال على من تعتمد عليــه بشرط رضى الشخص وعدم مضايقته وفي حدود معينه ..
اما بالنسبه لي اعتقد اعطي نفسي درجه 4 من 10 في الأتكاليه ..
اذا اتكالي اوصف شعورك بانك مرتاح وتبلش غيرك؟
نفضل عدم الاتكاليه ولكن الناس للناس والكل بالله
اذا اتكالي شنو سبب هالطبع؟
اعتقد التربيه لها دور والاسباب كثيره منها عدم الاهتمام بالموضوع المتكل عليه والكسل والجهل والانشغال في امور ثانيه من الاعمال او غيرها ..... .

قول طرق علاج بنظرك تشوفها انسب؟

حديث الرسول صلى الله عليه وسلم بمعناه ان الله يحب اذا عمل احدكم عملا ان يتقنه ...

يعطيك العاافيه عايد
ومشكور على الموضوع الرائع والطرح الراقي

تحياتي لك ..