[جميل مساعد]

اليكم جديدي وهي قصيده بمناسبة عودة ولي العهد صاحب السمو الملكي الأ مير : سلطان بن عبد العزيز آل سعود .الى أرض الوطن سالمآ معافآ حفظه الله وطول الله بعمره في خدمة الاسلام والمسلمين ..اليكم نص هذه القصيده عسى أن تحوز على رضاكم :

بديت بسم الله الرحمن = منشي السحايب ومرعدها
من بعدها هلت الأمزان = جتك البشاير بموعدها
يامرحبا بعودتك سلطان = والدار يا أمير ما أسعدها
سلايل معزي كحيلان = راس الطويلات يصعدها
حصان مايجيب غير حصان = أعرق نسب في تسيدها
وأنا أشهد أنك ذريب أيمان = أفعالك الطيب خلدها
ياراعي الخير والأحسان = واسمى المبادي تقلدها
في شوفتك تذهب الأحزان = من يوم صدري تكبدها
ياسيدي فرحة الشفقان = قبل العيادي تعيدها
عودآ حميدآ ياراع الشان = الدار غنت ترددها
والقافله سيروها أخوان = نعم المسيره وسيدها
حكومةٍ عدلها ميزان = ماحدٍ على العدل ينقدها
متسلحه والسلاح ايمان = بالله والخير مقصدها
واللي تعود على النكران = نفسه على الحقد عودها
سيف الشريعه على العدوان = يوم الأعادي ترصدها
أعلنتها من بعد كتمان = حلوه على الكبد ماابردها
برهنت برهنت لك بالشعر برهان = واجزلت لك من فرايدها
والعذر مني عن النقصان = جتك القصيده على ادها
والشكر لله والعرفان = أنعام والكل يحسدها

شعر : جميل مساعد الرشيدي

الموضوع الأصلي: عودآ حميدآ.. جديدي اليكم | | الكاتب: جميل مساعد | | المصدر: شبكة بني عبس

[الاجهر]

ياهلا فيك اخي جميل
من طول الغيبات جاب الغنايم

[(ابوعواض)]

جب الجزيله ياكحيلان

صح لسـآنك بيض الله وجهكك

[كاتب الرشيدي]

بيض الله وجهك على هالوطنية

يا شاعرنا جميل مساعد

[جميل مساعد]

عفوا:
برهنت لك بالشعر برهان
واجزلت لك من فرايدها

[جميل مساعد]

مشكوووور يالاجهر ولاهنت ...

[ناصر الخياري]

صح صح لسانك ...

[عيسي الرشيدي]

صح لسانك والله يعفيه الامير سلطان وامراض المسلمين