[يوسف الصامل]

يا صاحبي ودي على خوتك دوم

يا صاحبي ودي على خوتك دوم

مدام جسمي يملك الروح حيه

خوة نشامى مابهم نقص ورخوم

لا وا هني من صار مثلك خويه

قرمن ونسله من صناديد واقروم

بعيد عن درب الردى والخطيه

يا صاحبي علمني عن اخبار واعلوم

وش حال طبختنا يامال الغنيه

لاشك واصلتك عن اخبار هاليوم

عندك خبر فالبينه والخفيه

وشخبار حرن فالغصب صار محكوم

ولا ينحكم حرن ونفسه رضيه

اليوم جاهم ما يرد عنهم النوم

جاهم ما خلى صبحهم كالمسيه

وصدام عقب العز بالخد ملطوم

لطامته ناسن تحب الاذيه

وشعبه ترى مظلوم مظلوم مظلوم

الله يعينه مبتلي فالبليه

جاه الذي ما يتبع الفرس والروم

ولا يعرف الاسلام والشر نيه

الاجنبي الي من الغبط مزحوم

له ضربتن يا صاحبي معطبيه

وسلاحهم يضرب ورى سبع الاغيوم

مايدركه من الفشق كود عيه

يا مشعل ارسل لي نبا علم هالقوم

وشحالهم من عقب ضربه قويه

تمت بذكر مالك الملك والصوم

صلاة ربي مع شفاعة نبيه

الموضوع الأصلي: قصيده للشاعر الكبير نواف العازمي رحمه الله | | الكاتب: يوسف الصامل | | المصدر: شبكة بني عبس

[نوماس5]

صح لساااااااااااااااااااااااااانك يسلموو يا لغلا علي النقل المميز ولا هنت علي النقل اخوي

[النمر1012]

صح اللسانك واللسان الشاعر والله يعطيك العافيه وفعلا

يا صاحبي ودي على خوتك دوم

مدام جسمي يملك الروح حيه

خوة نشامى مابهم نقص ورخوم

لا وا هني من صار مثلك خويه

قرمن ونسله من صناديد واقروم

بعيد عن درب الردى والخطيه
وتقبل مروري

[abu eessa]

مشكوووووور والله يعطيك الف عافيه
الله يرحم نواف