[محمد الهبله]

أولى مشاركاتي هنا .. أتمنى لها القبول

أخـذ الرسالـة يارسولـي بالإحسـان

إرسال .. واستقبـال .. بعديـن حـول

اقـرأ عليـه سطورهـا دون عنـوان

دامـك علـى فتـح الرسايـل مخـول

السطر الأول فيـه .. شكـر ٍ وعرفـان

علـى زمـان ٍ راح مـن عــام الآول

وثاني سطر .. كلـه مشاريـه حيـران

يشـره علـى خـل ٍ شعـوره تحـول

وثالث سطر .. أطلب مفارق وهجـران

وان كان يبغى رجعتـي .... لا يعـول

قله : ترانـي منـه ضايـق وزعـلان

والقلـب يرقـا بالزعـل مـا يـحـول

اقرأ عليـه رسالتـي .. وارجـع الآن

رسالتـي ماهـي خـطـاب ٍ مـطـول

في ظرفها تلقـى دموعـي والأحـزان

((( وفي سطرها الثالث ))) نقاط التحول

قله : حياتـه مـن علـى فـو بركـان

وعقب الثقـل بالحـب صـار متسـول

قلـه نسـاك ولا يبـي غيـر نسيـان

وفي قرية أحلامي ... حظرت التجـول

وان كان وده يتصل بي .. على شـان

يرجع لقربي ...... قول خطـه محـول

قلـه فقـد بالذاكـره كــل هيـمـان

وقلـه تيامـن .. يـوم حظـه تشـول

قله : غدى بإعراب نحوي خبـر كـان

وقلـه : زمانـي مـن عذابـي مفـول

ما عـاد فـي قلبـي مكـان ٍ لنكـران

سـود الليالـي مـن قشرهـا تهـول

هـذي رسالـة مرسلـة دون عنـوان

اقـرأ عليـه سطورهـا ... لا تطـول

الموضوع الأصلي: رسالــة من 3 أسطـــــر | | الكاتب: محمد الهبله | | المصدر: شبكة بني عبس

[ذبحني غروركـ]

صح لساااااااانك الله يسعدك

[برق الوسم]

محمد الهبله حياك الله وابرك الساعات تواجدك بيننا
ما عـاد فـي قلبـي مكـان ٍ لنكـران
سـود الليالـي مـن قشرهـا تهـول
اي والله تهوّل يا محمد
صح الله لسانك مدد وسلمت ...
وتحياتي لك

[• طہَإلً انتہَظہَ‘ـٍَ_ـاريَ•]

صح لساااااااانك

[بدر حيي]

صح
لساااااااانك

[قسورة الغاب]

محمد الهبله
صح اللسانك واعتلا شانك
اختيار موفق في هذه القصيده التي
عانقت ذئقتنا الشعريه اعجبتني انا شخصياً اشد الاعجاب
دام ابداعك العذب ولا تحرمنا من جديدك
تقبل مروور اخوووك
القسوووره


أخـذ الرسالـة يارسولـي بالإحسـان
إرسال .. واستقبـال .. بعديـن حـول
اقـرأ عليـه سطورهـا دون عنـوان
دامـك علـى فتـح الرسايـل مخـول
السطر الأول فيـه .. شكـر ٍ وعرفـان
علـى زمـان ٍ راح مـن عــام الآول
وثاني سطر .. كلـه مشاريـه حيـران
يشـره علـى خـل ٍ شعـوره تحـول
وثالث سطر .. أطلب مفارق وهجـران
وان كان يبغى رجعتـي .... لا يعـول

[محمد الهبله]

ذبحني غرورك

صح بدنك يا اختي ولا هنتي

[محمد الهبله]

برق الوسم

لي الشرف طال عمرك
والله لا يهينك
واشكر مرورك الغالي

صح بدنك