[رشيد]

آه يا وقتي اللي صار هم وجفا
كان وقتن مضالي في زماني عطوف
.
صار وقتي مثل حظي عليّ حلفا
ما أدري وش يطلبوني ساحبين السيوف
.
ليه ما عندكم يالثنين عهد وفا
من سببكم يلوف القلب طاريه لوف
.
أسعفوني عن البرد الشديد بدفا
كيف غيري شرا بالباب وأنا يطوف
.
كل ما جيت أبجلس كن تحتي سفا
وإن وقفنا على الرجلين طال الوقوف
.
من يلاحظ مثل ما شفت ما من خفا
بالبشر شفت شيء خايفن منه خوف
.
شفت ناس قلوبه كنها من صفا
ماخذن في قطاعة صلة الرحم نوف
.
شفت حقد ونجاسة راكبين إردفا
وزعوا من سهمهم للخباث الضعوف
.
كل شخص عطوه من الخبر ماكفا
شاطرين اللسان وفاترين الكفوف
.
مثل ما قال الأول بالرجال الضعفا
غير ناس حكوا لي شفت بالعين شوف
.
وينكم يا رجالٍ تدّعون شرفا
يا هل الرفقة اللي حافه الود حوف
.
ليه نور الصداقة والعلاقة طفا
كل ما قلت وينك قال عندي ظروف
.
غرني بعض هقواتي وظني هفا
عشرتن ما صداها مع نداها مخلوف
.
يوم صد وتقاعس وصلكم يا ولفا
يا خوي المصالح خاطري لك عيوف
.
ليه وش غيّر الوجه البشوش بقفا
المنافق نعرفه والصديق معروف
.
.
.
اسم القصيده وقائلها :
" هم وجفا "
للشاعر // نشمي الجدعي الظفيري

الموضوع الأصلي: هم وجفا | | الكاتب: رشيد | | المصدر: شبكة بني عبس

[مرزوق العجوني]

صح لسااانه ولا هنت على النقل

[نوماس5]

صح لسااااااااااااااااااانك يسلوووووووووووووووووووووو علي النقل الرائع