[عبدالله المظهور]

اخواني الأعزاء في هذا موقعنا الشامخ الراقي
السلام عليكم ورحمة الله وبركاته
ايامنا هذه ايام طيبه .. وروحانيه .. والذكر فيها مطلوب
والحث على القيم الإسلاميه واجب ، والشعر بدون رساله دينيه
ليس بشعر ، فالدين هو اهم غرض يجب على الشاعر ان يتحدث عنه بأشعاره.
لاأريد ان اطيل عليكم .. ارجو ان تقبلوا مني مايلي :

من هاجس(ن) يروي ضمى كل عطشان = للشعر .. هو وعلومه .. الغانماتي
بديت شعري .. وانخزى كل شيطان = وصغت البيوت .. الشرد .. الشامخاتي
ابيوت من شعر(ن) .. جزيل(ن) .. ومليان =عبـرت بــه عن مـا اكـنـه بـذاتـي
وضحت فيـه .. ان العمـر كايـن(ن) كـان=ومافـات فـات .. وكـل مافـات مـاتـي
وان العمـر فرصـه .. ويبـدأ مــن الآن=خزيـنـتـه .. بـايـامـه الـقـادمـاتـي
وان الشقاء .. وان التعب .. وان الاحزان=زكـاه .. لافـراح(ن) تجـي فـي حيـاتـي
وحنـا ببحـر .. سفينتـه خمـس الاركـان=ورواتـب السـنّـه .. قــوارب نجـاتـي
ومهمـا يكـن .. لابـد مايمـوت الانسـان=ميـر البـلا الـي بعـد وقـت المماتـي
هل هـو بجنـه .. وسـط روح(ن) وريحـان ؟=نتـيـجـة(ن) لاعـمــاله الصالـحـاتـي
ولا بنـار(ن) .. بيـن خايـب وخـسـران=نتيـجـة(ن) لاعـمـالـه السيـئـاتـي
الخيـر لـه وزنـه .. وللشـر ميـزان=وكلـن علـى حسـب الموازيـن ياتـي
والكفـر خيبـه .. والسعـادة بالايمـان=نجـاتـنـا باعمـالـنـا الطـيـبـاتـي
والديـن بيـن اثنيـن .. سنّـه .. وقـرآن=دربـيـن عــز .. وكلـهـن بيـنـاتـي
هــذا كــلام الله .. مافـيـه نقـصـان=وهذيـك احاديـث النـبـي صادقـاتـي
من يقتدي فيهن .. يجازى بالاحسان = ومن شذ عنهن .. يستحق الشماتي
وترى احسن الاصوات.. هو صـوت الاذان=الــي ينبهـنـا لـوقـت الـصـلاتـي
واحسن سهر .. من يسهر الليل مـن شـان=يرفـع كفـوفـه للسـمـاء داعيـاتـي
وللآدمي .. اذان .. وعيـون .. ولسـان=ويدين .. وارجل .. غير باق الصفاتـي
الاذن .. ماهـي للموسيقـى .. والالـحـان=ومتـابـع الشـرطـان .. والاغنـيـاتـي
وغض البصر .. لاتطلق الشوف مجـان=يسبـح علـى كيفـه بـكـل الجهـاتـي
وترى اللسان حصـان .. لابـد ينصـان=عـن العلـوم الـي مـاهـن ثابتـاتـي
والبطش باليد ظلم .. والضـرب عـدوان=تكسـر يـديـن الطـاغـي .. الطايـلاتـي
والرجـل .. ماتاطـا علـى غيـر برهـان=احـذر دروب اهـل الـردى الطايحاتـي
والنفـس ماخلقـت علـشـان تنـهـان=خلـقـت .. لتعـبـد خـالـق الكاينـاتـي
ويالله عسانا نعيش في أمـن .. وامـان=ويـزول عنـا الشـر .. والخيـر يـاتـي
وتفتح لنـا مـن الخيـر يـارب بيبـان=وتـعـزنـا بايـامـنـا البـاقـيـاتـي
وتقابل الزله .. بعفو(ن) وغفران = اليا جبتنا عندك حفاتاً .. عراتي
هذي اعلومي .. وافهموني ياالاخوان = ذكرّت بعلوم(ن) ماهن خافياتي
ذكرى .. وتراها .. تفيد .. وتزيد بايمان = المؤمنين .. وتنفع المؤمناتي
وتمت .. وهي رحله من افراح .. واحزان=وخطوطـهـا للمفتـهـم واضـحـاتـي

وسلاااااااااااااااااااااامتكم جميعاااااااااااااااااااااااااا

الموضوع الأصلي: وذكّر .. فإن الذكرى تنفع المؤمنين !!! | | الكاتب: عبدالله المظهور | | المصدر: شبكة بني عبس

[رشيديه و أفتخر*]

صح لسانك
ومشكووووور ع الابيات الرووووووووووعه

تقبل مروري

[*رشيديه*]

مشكووور
علــــى الابياااات الجميله
تقبل مروري ^_^

[برق الوسم]

شاعرنا / عبدالله المظهور
جزاك الله خير على هالجزله وصح لسانك
قصيده رائعه وتستاهل الختم
لاهنت ودمت بخير

[محمد الراشد]

عبد الله والله العظيم اني حاولت اقتبس كم بيت

وانبني ضميري لانها كلها تستحق الاقتباس والاشاده بها

عبدالله مااجمل هذه القصيده


هنيئا" لك بهذه الدرر

[محمد الراشد]

وحنا ببحر .. سفينتـه خمـس الاركـانورواتـب السنّـه .. قــوارب نجـاتـي

ومهما يكـن .. لابـد مايمـوت الانسـانميـر البـلا الـي بعـد وقـت المماتـي

[الهنوف]

شاعرنا // عبدالله المظهور

صح لسانك وجزاك الله خير
سلمت ولاهنت
.
.
.

[سعيد عيد الرشيدي]

شاعرنا / عبدالله المظهور

حينما نعطش شعراً نذهب لأحد قصائده فنرتوي شعراً وابداعاً0

لله درك وصح لسانك ملاييين على هذه الدره الشعريه
وشهادتي فيك مجروحه
تقبل تحياتي وتقديري