[بدر حيي]

الاتصال اللي وصل تالي الليـل

عز الله إنه من عزيـزاً وغالـي

ينشد عن أحوالي ويبغى التماثيل

واقول دام الستـر يابعـد حالـي

ابشر بسعدك بالليـال المقابيـل

الشعر صرفه مانقص راس مالي

اسهر واعاين نجمة الجدي وسهيل

وارتب الأفكـار وأنـا لحالـي

مشتاق للاصحاب بالحيل بالحيل

وارسل سلامي مع هبوب الشمالي

بيني وبينك متعب الجيش والخيل

الله واكبر يـا ظـروف الليالـي

البعد قطاع الوصل والمحاصيـل

دامك تعيش بخير ماضاق بالـي

رغم المسافة وانقطاع المراسيـل

لازلت حافظ صورتك في خيالي

سلمت يانسل الرجال الحلاحيـل

ياعارف إن الوقت مرا وحالـي

هـذي تماثيلـي بليـا تفاصيـل

بغيـت افصلهـا لكـن مابدالـي

الموضوع الأصلي: الشاعر بخيت مضحي السناني | | الكاتب: بدر حيي | | المصدر: شبكة بني عبس

[بدر حيي]

؟؟؟؟؟؟
؟؟؟؟؟؟

[(ابوعواض)]

الله الله الله

صح الله لسآنه ع هالابداع ولاهنت يابويحي

[ذيبان الرشيدي]

صج الله الساانك والسانه
يال>يب
ولاهنت يالغالي

تنقل لمكانها الصحيح
ومنك الع>ر

دمت
بخير وعافية

[ليان]

يسلموووووووووووو
يعطيك العافيه

[بدر حيي]

يسلموووو ع المرور العطررررررررررررررررررررررررر