[سهم عبس]

محاوره اعجبتني
واتمنى ان تعجبكم

دام راسي حـي مايطيـح واسـط بيتنـا
لوحصلي ضرف طاري على الموقع نعود
ياشبكة عبس الشريفـه ومنبـع صيتنـا
بالكويـت وبـأم درمـان وبـلاد سعـود

محمد الراشد

يوم دقت ساعتي تسع في توقيتنا
ارحب ارحب يانويصر ومرقانا سنود
ابرك الساعات ياصاحبي لاجيتنا
احمد الله جابك الله مع سباع واسود

العمده
يابن راشد مرحبا فيـك لاخاويتنـا
ياقوي الباس يابنا عريبين الجـدود
لاتصغر بالاسم يوم اللـي ناديتنـا
لاتصغر بالاسامي ترى مانت محدود
محمد الراشد

ماحصل في غيبتك شي لوكبيتنا
اتشرف والدول بينها دايم حدود

وانت حرفت الكتابه بعد مريتنا

والاسامي واضحه مير ماحصلت فود

العمده

كيف مابه شي وان غبت ماكفيتنا
ساع غبنا والنهر قام ينقص مايزود
ما انحرفنا مار باصغر اسم سميتنا
ابك حنا نعرف العلم ماحنا هنود
محمد الراشد

انت قبل تروح ياهن ماوصيتنا
وان دخلت السوق مليان مخبايه نقود

انت عمدة ليه بالسالفه صجتنا

ومن ف بطنه ريح يشتك يالخصم اللدود

العمده

ليه اوصي والسعودي يعرف كويتنا
حالنا وحده ماحنا هنود ولازيود
انت في كثر المرواغ ياهن اغديتنا
المحاور ماهو شعرك بصافيه الخدود

محمد الراشد
انت ياناصر كذيا ترى حديتنا
مانبي نفتح ملفات مسعود وسعود

ماعلينا هنيه وهناك ماهميتنا

ومايروغ بحزة الجد ياغير الشرود

العمده
مانحدك للقشر قط لين اذيتنا
مرتن مسلم ومره تشابه لليهود
تعتذر لي بعد بالمخطيه صكيتنا
بالبديه وانت رافع بوجهي لك عمود

الموضوع الأصلي: طاروق بين العمده ومحمد الراشد | | الكاتب: سهم عبس | | المصدر: شبكة بني عبس

[محمد الراشد]

شكرا ياسهم عبس
بس فيه خطا املائي
%بالكويت وبام درمان وبلاد السعود% من بيت العمده
اتمنى تعديله
حتى لايكون البيت مكرر

[ناصر خنيفر]

مشكور على التنسيق ياسهم عبس

[ابو بيان]

مشكور سهم عبس على التنسيق.
محاوره رائعه واتمنى من المشرفين نقلها الى موقعها الصحيح موقع المحاورات المنسقه وفقك الله وتقبل تحياتي ومحمد الراشد شاعر نظم ومحاوره في نفس الوقت وفقك الله يامحمد الراشد ولاهنت يالعمده وتقبلو تحياتي اخوكم ومحبكم ابو بيان

[العقاد]

مشكور سهم عبس محاورة جميله
وتم نقلها لموقعها الصحيح
شكرا

[المميز]

مشكووووور سهم على التنسيق
محاوره رائعه من شاعرنا محمد الراشد والعمده

[القلب الحائر]

طاروق جميل بيض الله وجيه شعراؤنا

[ناصر الخياري]

صح لسان ابو ملهي
وصح لسان العمده ..
لاهنت يالعبسي على النقل..