[ذبحني غروركـ]

قول عادي .. بالي الليلهـ طويل ..
............ شُوف لِك عذرٍ قديمٍ / وأقبِلَهـ !!

لا تحاتي ...قلبي مِتعَوِّد يشيل ..
............. ( الجُروح ) إللي تجي له مُقبِلَهـ ..

" طيبتي " صارت مثل ( كف البخيل )
............ أيِّ شَي طايح .. تِشُوفـه ؟ تحمِلَهـ



و " عزِّتي " تقدر تِسَمِّيها : النخيل
............ لأني شامِخ .. والعواصف قاتِلَهـ


وعادي جداً .. إنِّي الليله ( عليل ) ..
............ الحزن : يحْسِبني واحد مِنْ هَلَهـ !!



ومو غريبه .. لو تِمَنِّيت الرحيل
............. البقاء أحيان , يعني .. البهذلَهـ !!

في غيابك .. ما لَهَا الضيقهـ مثيل ..!
............. وربِّي إللِّي .. ما يشاءهـ , يفعلَهـ


مِنْ يلاقي لـ دنيتي هذي بديل ..؟
.............. خل يجيني أي شخص .. أبَدِّلَهــ


وعيب راسي لا بغى شي " مستحيل "
.............. يوصلهـ مو طيب .. غصبٍ يوصلَهـ



ليه راجع ؟! ليه ذاكر ..؟ يـ الأصيل ..؟؟
................ إنت ضايق .. ؟! في خطأ بالمسألَهـ !!



وليه تبكي مِنْ كلامي يـ الدخيل ..؟
............... المشاعر .. ما لَهَا بقلبك صِلَهـ ؟!



و( البلا ) .. إن حَبْ رجالٍ " ثقيل "
.............. ينسى مِن حُوله ويسْمَع ( مُذهلَه ) !!


مِن عرفتك .. ما بقى بـ اليَد .. حيل
.............. ولو بكيفي .؟ ( قلبي ) محدٍ يدخلَهـ



ومِن عرفتِك .. حظِّي العاثر يميل ..
.............. أعترف لِكْ إنِّي ( عاجز ) أعدِلَهـ !!



فاقد الإحساس / ما يعطي القليل
............... وإن عطيته إحساس قلبك ؟ يقتِلَهــ !!




إيه بـ أرحل والطريق أدري .. طويل ..
............... مشكلهـ " قربك " .. وبُعدِك مشكلَهـ ..

وإن خذاني المُوت إترك قالٍ وقيل ..
.............. قول هـ الجُملهـ .. وخطاك امحلِّلَهـ

[ ربِّي ألهَم أهلهـ الصَبر الجَميل ..
............... وإرحمـهـ يا رب وإحسِن مدخلَهـ ].!

00000000000000000000000

الموضوع الأصلي: قول عادى بالى الليله طويل 00شوف لك عذراقديم واقبله00 | | الكاتب: ذبحني غروركـ | | المصدر: شبكة بني عبس

[شداد المظيبري]

و " عزِّتي " تقدر تِسَمِّيها : النخيل
............ لأني شامِخ .. والعواصف قاتِلَهـ


وعادي جداً .. إنِّي الليله ( عليل ) ..
............ الحزن : يحْسِبني واحد مِنْ هَلَهـ !!


صح لساانك ذبحني غرورك
ابيات رائعه في قمة الابدااع
ننتظر جديدك

[ذبحني غروركـ]

منور الله يسعدك

[سند الداموك]

إيه بـ أرحل والطريق أدري .. طويل .. ............... مشكلهـ " قربك " .. وبُعدِك مشكلَهـ .. وإن خذاني المُوت إترك قالٍ وقيل .. .............. قول هـ الجُملهـ .. وخطاك امحلِّلَهـ

أبيات رائعه جدااااااا أختي ذبحني غروركـ وتسلمين على النقل الجميل00000
تحياااااااااااااااتي وتقديري000000000

[النمر1012]

الله يعطيك العافيه الروعه الكل عاده متميز وتقبل مروري

[ذبحني غروركـ]

منورين الله يرضى عليكم

[العريض]

نقل رائع يعطيك العافيه


تحياتي

[ذبحني غروركـ]

منور الله يسعدك