[بدر حيي]

قصيدة رائعة للشاعر الكبير / منيف بن منقرة البلوي `.

عـزاه انـا عـزاه عـزاه عـزاه

من صيحةٍ من سمعها صـد عنهـا

وعزي لمن مثلـي زمانـه توطـاه

وان جاته الزلـه بصـدره دفنهـا

يشيلهـا ويحطـهـا داه بــرداه

غصباً عليه اليا اقبلـت يحتضنهـا

العـز اول بالرجاجـيـل تلـقـاه

تلقى رجـالٍ تزّبـن اللـي زبنهـا

واليوم راع المال هو راعي الجـاه

على أطيب المخلوق يامـر وينهـا

وليا بغا لـه شـي يشـر لمخبـاه

له حاجةٍ تسعيـن واحـد ضمنهـا

وليا تمنـى حصـل اللـي تمنـاه

يشره على دقون العفيـن يحسنهـا

وليا عطاهم شـي يمـن ماعطـاه

حاجـه بخيسـه والكرامـه ثمنهـا

ومن قل ماله كل شخص يتغاضـاه

لو هو من الأقراب ماصـار منهـا

كلٍ يكشر في حجاجـه ليـا جـاه

والساعه اللـي جابتـه لـه لعنهـا

وحتى اصدقاه اليا أفتقر صارو عداه

عوايـد الأنـذال تتبـع زمنـهـا

ماكنه بيوم مـن الأيـام لـه جـاه

وسيورهـم يامـا ويامـا دهنـهـا

وماكن له مزنٍ عليهـم نثـر مـاه

ودرت حلايبهـم وشربـو لبنـهـا

وماكـن طيبهـم يجيـه ايترجـاه

حتى الجنازه يشتـري لـه كفنهـا

نسيـو مواقيفـه ونسيـو محـيـاه

وذكر العلـوم الماضيـات يغبنهـا

وياصحابنـا كـلٍ ترانـا عرفنـاه

وأهل الوطن لابد ترجـع وطنهـا

وكلٍ عرفنا وشـو اقصـاه وادنـاه

الأجودي واللـي الكرامـه رهنهـا

وأنـا أنـا فـي ماقفـي ماتعـداه

تقرب وتبعد بـس ماسـك رسنهـا

واللي يسوي طيب بالطيب نجـزاه

وكلٍ يشيل الوزنـه اللـي وزنهـا

واللي بدابـه عيـب عشنـا بليـاه

جثه فصلنـا راسهـا عـن بدنهـا

الموضوع الأصلي: ((عـزاه انـا عـزاه عـزاه عـزاه )) قصيدة للشاعر/ منيف منقرة البلوي | | الكاتب: بدر حيي | | المصدر: شبكة بني عبس

[أبوفيصل الجولان]

صح لسان شاعرها واشكرك على النقل الرائع ونتطلع للمــــــــــزيد,,,,,وبالتــــــــــــــــــــــوفيق ..أخوك ابوفيصل الجولان

[((.الأمير .))]

صح لسانك ولسان الشاعر

منيف شاعر لا تستطيع الكلمات التعبير عنه

وشكراا يا ( بدر ) على القصيده الرااائعه

وتقبل تحياتي...^_^

[بنت الطنآيآ]

صح السآإآنه وسلم بنآإنك

ولاهنت مليآإر

[بدر حيي]

مشكور اخووي على مرورك ويعطيكم مليار عافيه