[صقر ابن عبس]

قصيده اهداء الى المستشار بشير الشويلعي

راكب اللي يوم اتله واغمزه وانهمه = تقل صاروخٍ امريكي وكالة جورج بوش
اشهب وخطه حـــمر شبه دمٍ بلحمه = صفر صفر اثنين سته مصانع كنت لوش
كن زيكه سن ورعٍ تبسم لك فــــمه = اقطم امقفى تنوشه بروس يديك نوش
صنع كافر ماصنعته يدينٍ مســـلمه = طوروه بطوكيو ماحسبوا له بالقروش
ثابتٍ خلفه سبيره اليا شفت ادهــمه = تقل جنديٍ مثبت محمل بالعفوش
كن سكانه بكفي طبل عـــبد افحـــمه = كل مازاد التحمس ضرب له كوش كوش
وكن قيره يوم اشوفه سوات المرسمه= في يد القاضي ويومي على مهرب احشوش
وكن صوت اسيوره ان دق سلفه همهمه = وكن طبلونه كفوفٍ تزين بالنقوش
وان وقف وقفت ملك بين شعبه واعلمه = وان مشى ممشاة مجنون والرأس مغشوش
سايقه مهو عليمي اليا سار اكتمه 0=دارسٍ علم السواقه وتركيب الفيوش
هذا هو شفي وقصدي بعز ومكرمه = مانبى غيره مراكب اليا قمنا نشوش
ان مشى في جو حائل وذعذع لنسمه = ناويٍ ديوان شيخٍ اليا جيته يشوش
شيخ من منسب هل الطيب بيّن به سمه = المعزب بن سعد حي والله هالرموش
هذا هو بشير ابن عبس شيخ الاوسمه = مطلبي عنده وانا جيت يمه بالعروش
عزوتي يابن سعد جاك علمي وافهمه = وانت رأسك للوفاء خابره دايم يشوش
حاجتي يابن سعد في يدينك ملزمه = يامدير ابنوك عبس المليئه بالمعوش
الدروب اللي نبى كلبوها ملغمه = بين سلاّت المصقل ونيبان الوحوش
وانت فاس معركه يعتزي في محزمه= اخذ قسمه بكفه وغيره مايحوش
اهنيء من هو نهار الملاقى يزهمه = ياسعد حظه اليا جاه في وجه بشوش

اخوك الشاعر / صقر ابن عبس

الموضوع الأصلي: إهـد اء للمستشار بشير الشويلعي | | الكاتب: صقر ابن عبس | | المصدر: شبكة بني عبس

[الجلاد]

صح لسانك مليون ولايكفون يامبدع

ويستاهل الممدوح

[سالم الرشيدي]

صـح السانكـ
وبيض الله وجهك
والمستشار يســتاهل كل خيــر

[المشعل]

صـح السانكـ
وبيض الله وجهك
والمستشار يســتاهل الاهداء ويستاهل كل خيــر
تحيااتي لك

[مظلوم بالحريه]

مشكور على هالقصيده ويستاهل

[صقر ابن عبس]

مظلوم بالحريه المشعل الجلاد ذيبان سالم الرشيدي

مشكورين على المرور والتعليق

[صقر ابن عبس]

مشكورين على المرور والاطراء

[سند الداموك]

صقررررربن عبس صح لساااااااااااااانك
وسعادة المستشاررررررر يستأهل الطيب
لكككككككككك تحياتي