[سي لايف]

بسم الله الرحمن الرحيم

السلام عليكم ورحمة الله وبركاته

محاورة من النوع المميز بين شاعرين مبدعين

(( أحمد عبيد الهنيدي )) و (( عبدالله المظهور ))

أحمد

من بروج المملكه والا بروج الفيصليه=ياصل الارسال لكن ياولد مظهور سقها
انت شاعر موقع الكفه لك أبيات قوية=اغتنم شجرة شبابك قبل لا يسقط ورقها

عبدالله المظهور

من هنا وانا ولد مظهور والله ماعليه = ارسل الارسال للي من ضميره يختلقها
ايه انا شاعر ولكن غلطة الشاعر جليه = طرقتك هذي ترى مافيه احد قبلك طرقها

أحمد

بارك الله فيك وشدادك على ظهر المطيه=انتبه لا درهمت لا طيح بندقك وفشقها
ما نذمك تدخل الميدان وعزومك قويه=لا تصير الشاعر اللي ضاق والغتره فهقها

عبدالله المظهور

يااحمد انا لي ترى تأثير مثل الجاذبيه = ارتكي للحمل واذبح حايلي واشرب مرقها
انت ذيبن مايهرول غير في صحراء خليه = وصيدتك لاشفتها ترتاع ماتلمس شنقها

أحمد

افتخر في ميزتك وكسب قلوب العالميه=واحدن مثلك نصحح كلمته لامن نطقها
يمكن اني سامعٍ ذيب ٍقنب يبغا خويه=معذرن بالصيد والطرقه على صوته طرقها

عبدالله المظهور

مانبي تصحيح ونفوس اهل العزه غنيه = انت مثل السارق الي قال هذي من سرقها
راحت اعلوم الاوايل والطروق الاوليه = جيلنا التالي يجي للشجره ايقطع ورقها

أحمد

ودي اعلمك قبل اطيح بحياض المنيه=خايفٍ شمسك تغيب ويختفي معها شفقها
العلوم مثبته والظلم محسوبٍ خطيه=شجرة الريحان تفنا والعرب تذكر رحقها

صح لسان الشعراء
شاعر الموقع
وهامور الكفة
وبيض الله وجيهم

الموضوع الأصلي: المبدعون يلتقون | | الكاتب: سي لايف | | المصدر: شبكة بني عبس

[شاعر الوطن]

اغتنم شجرة شبابك قبل لا يسقط ورقها

شطر بيت عن محاوره كامله ...

صح اللسانك مليوون وشكرا على النقل

[(*العرعري*)]

بيض الله وجهك على النقل

[(فارس الرشيدي)]

بيض الله وجهك على النقل

[مشعل الخياري]

مشكور علي النقل