[العريض]

علم العفا وعفاك .. يا وافي الكيل=بساطه أبشّرك .. في خيـر وعفـا
نكفي بعضنا ,, وانتكافا على الشيل=واللي تعب من الحطّ والشيل يكفـا
من ذاق حرّ القايله يعشـق الليـل=ومن شبّ ضّوه ليلة البرد .. يدفـا
لاعاد ليلٍ ٍ نمت به في حرى سهيل=وخايلت نوضٍٍ يخطف العين خطفا
امسيت من جيل ٍ ولاهوب ذا جيـل=واصبحت ... والاّ ديرتي شبه منفا
كنّا على فـال الشحـم والمعاميـل=ونفوسنا انقى من نقى العدّ .. واصفا
وانا ولو راحت بقولـة : تساهيـل=صلف وصروف الوقت تحتاج صلفا
ياترج جدّاني .. زحول الرجاجيـل=يحرم فلا لي عنك ياترج .. مقفـا
إمّا لطمنا العيل .. والاّ الطم العيـل=مادام شبّ النار منـدوب الأطفـاء
خل ابرهه الأشرم على ذمّة الفيـل=وانظر لشيٍ .... مايوصفّه وصفـا
ياذيـل والله ماتجـي راس ياذيـل=علمٍ ماهو يغبـى ولاهـوب يخفـا
واللي حمـا بيتـه بطيـرٍ ابابيـل=ماجيتـك ادوّر لمـن راح واقـفـا
ولا جيتك اطلب منك بن ٍ ولا هيـل=جيتك وجرح الظلم .. غاديه يشفـا
جيتك بكلمة .. كنّها صعقة الويـل=إن قلت تكفا ... لا تهـاون بتكفـا
تكفا .. تراها كلمةٍ تقطـم الحيـل=لا بالله الا تنسـف الحيـل نسـفـا
تكفا .. ماهـي لمعقبيـن الفناجيـل=تكفا لصلف وعـادة القـرم صلفـا
تكفا .. ترى تكفا لها هدرة السيـل=في صدر حرًّ .. ينتف الطيب نتفـا
تكفا .. ترى تكفا لها تسرج الخيـل=إن كان لك باالخيل سرج ٍ و عسفا
تكفـا .. تبيّـن كـلّ لاشٍ وحليـل=تسمع لها بالصـدر هبـدٍ ورجفـا
تكفا .. وتكفـا ماتسـاق لمهابيـل=تكفا .. تخلي القـرم لاشٍ وهطفـا
تكفا .. تجنّبني هل القـال والقيـل=مانيب من ينكف علـى كـل ملفـا
تكفا .. تراني من قروم ٍ مشاكيـل=حمّاية الساقـه .. بسيـفٍ وشلفـا
تكفا .. ترى تكفا تـذّل الرجاجيـل=ولولا صروف الوقت ماقلت .. تكفا

الشاعر محمدالدحيمي الشهري

الموضوع الأصلي: تكفا .. ترى تكفا تـذّل الرجاجيـل | | الكاتب: العريض | | المصدر: شبكة بني عبس

[برق الوسم]

العريض تسلم ع النقل
/
البيت الأخير من القصيده مشهوور
بس بصيغه آخرى ع مااظن!
تكفى ترى تكفى تهز الرجاجيل ---ولولا ظروف الوقت ماقلت تكفا
/
صح لسان شاعرها
تقبل مروري وتقديري

[شداد المظيبري]

صح لسانه


العريض نقل رائع
-------

[العريض]

اقتباس من مشاركة برق الوسم العريض تسلم ع النقل / البيت الأخير من القصيده مشهوور بس بصيغه آخرى ع مااظن! تكفى ترى تكفى تهز الرجاجيل ---ولولا ظروف الوقت ماقلت تكفا / صح لسان شاعرها تقبل مروري وتقديري

كلامك في محله وانا نقلتها من ديوان الشاعر

مرورك يشرفني شاكر تواجدك .تحياتي لك

[عويض بن شامان بن خلف]

العريض تسلم ع النقل
/
البيت الأخير من القصيده مشهوور
بس بصيغه آخرى ع مااظن!
تكفى ترى تكفى تهز الرجاجيل ---ولولا ظروف الوقت ماقلت تكفا
/
صح لسان شاعرها

[العريض]

اقتباس من مشاركة شداد المظيبري صح لسانه العريض نقل رائع -------

مرورك اروع هلاوغلا

[العريض]

اقتباس من مشاركة عويض بن شامان بن خلف العريض تسلم ع النقل / البيت الأخير من القصيده مشهوور بس بصيغه آخرى ع مااظن! تكفى ترى تكفى تهز الرجاجيل ---ولولا ظروف الوقت ماقلت تكفا / صح لسان شاعرها

شاكر لك حضورك لاهنت