[الذيابي10]

مساء الورد لبني عبس حبيت اخذ رايكم بهذه الابيات

عز الأكابــــــر

ياشينها لامات.. حلم المثابر= اللي تعلق فيه من يومه أصغير

مخدوع يحسب للمناظر. مخابر =وأثره وهم يرجيه بالواقع أيصير

مطعون من غالي ويجحد وصابر = للجرح نزف ويقتنع بأي تبرير

ويا شينها لا صرت دايم أتكابر= على جروحك.. ما تبي تجرح الغير

تضحك وقلبك للمواجع مقابر = صمتك أنين وضحتك لونها غير

وليا ذكرت إن أجمل العمر عابر= كن الحياة بنظرتك تالي أعصير

مر الندم. والحب. ملعون ثابر = مره حلا واشواك دربه نواوير

يا صاحبي.. لو جبت كل المحابر= ما تكفي.. أشتات المعاناة تصوير

هذا الزمان اللي يقولون.. غابر= تقتلني الحسرة وأنا حي وأسير

من يسألك قله على ما نت خابر= ضلع(ن) تصافق به رياح المقادير

به صمت(ن)ابلغ من جميع المنابر= وفي داخله سر وحكايا وأساطير

واقع.. تجلى فيه عز الأكابر= مير الزمن.. من طاوله ما هو بخير

الموضوع الأصلي: قصيدة ...عز الأكابر ...باختصار | | الكاتب: الذيابي10 | | المصدر: شبكة بني عبس

[.فيصل الذيابي.]

حياك الله اخوي الذيابي 10
القصيده من وجهة نظرى رائعه
ويوجد قسم لنقد الشعر الشعبي
اذا كنت تريد نقدها ولاخوان فيهم الخير والبركه
ويفدونك بنقدها وتقبل تحيات

[ريتال الداموك]

احساس جميل وموفق ...لاهنت على روعة الابيات

[بدر بن محمد]

صح اللسااااااااااااااااااااااااااااااااااااانك الذيابي10
وبيض الله وجهك على الابيات الرووووعه
والله يعطيك الصحه والعاااااااااااافيه
ولك كل الود والتقديررر

[الذيابي10]

اشكر مروركم

[صميدع راس]

صح لسانك وتقبل مروري

[حب الغموض]

يديك الف عافيه