[عبدالرحمن هليل]

عزي لمن حلو الكرى مااهتنابه
تسهر عيونه لارقد خالي البال
والقلب زاد من الطواري عذابه
لاما غدى للهم مخرج ومدخال
همه عقب حلو السعاده صطابه
عليه قامت تارد انواع واشكال
منهن شكى حتى ان ضاق الفضابه
لا قال هانت زادت الهم ولوال
لاذاق نوم ولا اهتنى في شرابه
يمسي بحال ويصبح الصبح في حال
مريض حال ولايفيد الدوابه
تلعب به الهاجوس بقفاي واقبال
يجحد ولاوده يبين صوابه
يضحك وهمه بالحشاء ينحف الحال
ماوده ان الناس تدري بمابه
جارت به الاقدار والحظ به مال
اسباب من طول علينا غيابه
قفى ولا جاني منه رد الا رسال
اليابغيت انشد هله والقرابه
سكت اخاف من الملقف والانذال
اخاف من بالهرج يضرس بنابه
اللي سواليفه عريضات واطوال
لاكن رجاي بجاه منزل كتابه
الواحد اللي للصعيبات حلال
رب الملا منشي حقوق السحابه
بامره يجيب اخبار لمعذب البال

الموضوع الأصلي: الملقف والانذال | | الكاتب: عبدالرحمن هليل | | المصدر: شبكة بني عبس

[الاجهر]

منهن شكى حتى ان ضاق الفضابه
لا قال هانت زادت الهم ولوال
لاهنت يابو خالد وصح السانك

[المشعل]

رب الملا منشي حقوق السحابه
بامره يجيب اخبار لمعذب البال

يعطيك العافيه عبدالرحمن

ذائقه شعريه راائعه

لاهنت على الاختياار الراائع والذووق الرااائع

تحياتي لك

[بدر بن محمد]

صح اللسااااااااااااانك عبد الرحمن
ولاهنت وبيض الله وجهك على القصيدة
ودمتم بالف خيررررر

[عبدالرحمن هليل]

وجيهكم بيضاء وهذا شي بسيط نقدمه لكم

[حب الغموض]

يديك الف عافيه