[منصور بن صبح]

أخواني الأفاضل
أقدم لكم هذه القصيدة
والتي
أتمنى أن تحوز على رضاكم

علماً
أيها الأخوة
أن البيت الأول منها
للشاعر العذب
هويدي بن صبح
وأتفقت
أنا مع مجموعه من الشعراء على أكمال بيته
وجرى
ذكر ذلك حفظاً لحقوقه
وهذه
مافتلته ومضيتُ به

عديت في رجمً تصافق هبوبه=من واهجً باالصدر يصلى لهيبه
ابحث خفا قلبي وحسب ذنوبه=وبعد افكارن من أول قريبه
فكرة باالدنيا وشفت العجوبه=ودونت ماشفته بعال الرقيبه
عن واقعً بعض العرب مادروبه=والي كلامه صدق محدن يعيبه
الدرب واضح والاوايل مشوبه=من ماضي الايام كلن دريبه
مير ان نفسي للنصايح طروبه=والي يطيب الكل يطرب لطيبه
نصايحً ماهي على احد محجوبه=لاكن رواي الخبر من يجيبه
ابنصح الي ضايقً في دروبه=لايلحقه باالوقت شكه وريبه
تخالف الايام نوبه ونوبه=والي سلم منها عزومه مهيبه
كم واحدن ماشاف غير العقوبه=ويصبر ولو جارة عليه المصيبه
يشيل حمله لو يفتر جنوبه=ولا يشتكي للناس بلي بليبه
هذاك له ربن يفرج كروبه=ياهني من قسمه من الله رضيبه
وكم واحدن حضه معبن جيوبه=الرزق ياصله وهو ماشقيبه
ترى الخطاوي باالزمان محسوبه=والي بدابه هاالزمن ينتهيبه

الموضوع الأصلي: عديت في رجمً تصافق هبوبه | | الكاتب: منصور بن صبح | | المصدر: شبكة بني عبس

[مبارك الخميلي]

فصيده عصماء مليئه بالجمال والبيوت الجميله

صح لسااااانك ولا هنت

[منصور بن صبح]

اقتباس من مشاركة مبارك الخميلي فصيده عصماء مليئه بالجمال والبيوت الجميله صح لسااااانك ولا هنت

صح بدنك يامبارك والله لايهينك

[برق الوسم]

منصور بن صبح
صح لسااانك
قصيده قمه
لاهنت وتقبل مروري

[احمد سبيتان]

صح لسانك اخوي منصور على القصيداالرائع
وبيض الله وجهك

[مرزوق العجوني]

صح لسانك اخوي ولا هنت على الرائعه وتقبل مروري

[صقربني عبس]

صح لسانك اخوي منصور على القصيداالرائع
وبيض الله وجهك

[المرتكز]

صح لسانك والله يكفينا شر الدنياء