[المر العذب]

لبست أبها خلاخيل وغوايش=لين غنى سحاب أبها وهام
نقضت له وجاك الغيث شايش=وأسبلت له عقب طاح اللثام
فاحت القاع..نعناع ورشايش=دوخ الريح..روض مستهام
من عصير السما..ضحك وبشايش=بين هودج مطرها والسنام
لين ذب الشفق روس الحرايش=وألتحف شمسها دم..وعسام
ليلها سال وقراها طشايش=طفلة الغيم كحلها الظلام
بحة النور بشفاه الدرايش=صبها الليل بعروقي ونام
وأطلق القيد لعيون عطايش=لين ترعف محاجرها سلام
كنه اللي ينوش القلب نايش=لي تنهت وضلوعي حطام
دبت الروح بسنين ولايش=ذكريات لها عشرين عام
أتذكر ليال وطفل عايش=صرد ثوبه من القمرا وقام
وأتذكر ..حبيب..وقلب طايش=وأتذكر تناهيت وكلام
وأتذكر ورى الوادي عرايش=وأتذكر مواعيد الغرام
كن وقع الخطا..فوق الحشايش=تالي الليل سكاب الغمام
تركض أبها على صدري نقايش=كل ماأذبل تلاحقني شمام
جيت يـ أبها معاليقي دشايش=جيت شوق وعصافير وحمام
أن نعستي غدت روحي فرايش=وأن ضحكتي روت روحي هيام
وأن لبستي خلاخيل وغوايش=دوك شعري سوارك والزمام

مساعد الرشيدي

الموضوع الأصلي: مساعد الرشيدي : فوق الحشايش | | الكاتب: المر العذب | | المصدر: شبكة بني عبس

[الوفاء طبعي]

مشكوووووووووووووووووور

اخوي فهد على نقل الرائع

مو غريبه على شاعرنا زعيم

وتقبل مرووري

[الاجهر]

من عصير السما..ضحك وبشايش
بيـن هـودج مطرهـا والسنـام
لين ذب الشفق روس الحرايـش
وألتحـف شمسهـا دم..وعسـام
صح السان الشاعر المبدع والمتآلق دائماً شاعر قبيلة بني عبس العبسي الاول / مساعد الرشيدي

ولاهنت على النقل الرائع المميز

تحياتي لك

[المر العذب]

اقتباس من مشاركة الوفاء طبعي مشكوووووووووووووووووور اخوي فهد على نقل الرائع مو غريبه على شاعرنا زعيم وتقبل مرووري

لا شكر على واجب..

ومرورك شرف..

[المر العذب]

اقتباس من مشاركة الاجهر من عصير السما..ضحك وبشايش بيـن هـودج مطرهـا والسنـام لين ذب الشفق روس الحرايـش وألتحـف شمسهـا دم..وعسـام صح السان الشاعر المبدع والمتآلق دائماً شاعر قبيلة بني عبس العبسي الاول / مساعد الرشيدي ولاهنت على النقل الرائع المميز تحياتي لك

أن يرد عليك الأجهر..فهذا أنجاز..

شكرا مراقبنا..

[ريتال الداموك]

إبداااااع ليس بغريب على الزعيم
وإبداع المتابعه والنقل ليس بغريب على فهد القصبي
سلمت ولا هنت

[المر العذب]

اقتباس من مشاركة رتال الداموك إبداااااع ليس بغريب على الزعيم وإبداع المتابعه والنقل ليس بغريب على فهد القصبي سلمت ولا هنت

وبك يكتمل العقد..

أعتب دائما على نفسي حينما أرى مرورك.. ولم يترك أثرا..أشك بأن ماأقدمه لا يرتقي لك..

شكرا هل تضنين أنها تكفي؟

أنا لاأعتقد ذلك..

[مروان الرشيدي]

الله عيك يافهد


ذائقه شعريه رائعه أهنيك عليها


أختيارات دائم جميله



واصل أبداعك وأختيارك لهذه المقتطفات


موفق يارب



تحياتي لك يامبدع



8
8
8

جيت يـأبها معاليقـي دشايـش

جيت شـوق وعصافيـر وحمـام

أن نعستي غدت روحي فرايـش

وأن ضحكتي روت روحي هيـام

وأن لبستي خلاخيـل وغوايـش

دوك شعـري سـوارك والزمـام