[الهنوف]

يلوح بهالسما غيم(ن) تـروّع شوفـة بروقـه
مع أنفاس المطر ترحل رياح العشـق لديـارك


تبلل بالمطر ثوبـي وسـط نظـرات مسروقـه
حضنت بداخلي خوفي وأنا ملهوفـه لأخبـارك


طلبت القرب من قلبي عطيت القلـب وعروقـه
على هـم انتظـاري لـك توافينـي بإعـذارك


تساءلت الدروب اللي على ممشـاك مطروقـه
سرى صمت الدروب ولا إجابات(ن) لمسيـارك


تساءلت المكان اللي حضـن آهـات منطوقـه
لقيت الحزن يصرخ به صدى هالحزن بأسوارك


تساءلت الزوايا كيـف يهجرهـا علـى روقـه
لقيت من الظلام أشباح عقب ماكانـت أنـوارك


تساءلت الزمن مره يكـف الغـدر عـن ذوقـه
لقيت الغدر من شيمة زمـان اليـوم بأسـرارك


تساءلت القصيـد اللـي تركتـه لـي بحروقـه
يحن القاف على لحنك يليـن القـاف بأفكـارك


ألا ياقلـة الحيلـة دمـع عبـرات مخنـوقـه
تحاصرني هموم الليل وانا من جملـة أخطـارك


ألا ياقلـة الحيلـة خطايـا الوقـت مسبـوقـه
خطايا والخطايا روح علـى يمنـاك ويسـارك


ألا ياسيَد العشاق يذوب العشـق مـن شوقـه
ويذوب من الهوى قلب(ن) عرف جنته في نارك


للشاعرة مزون المحمد

الموضوع الأصلي: قسوة غيابك | | الكاتب: الهنوف | | المصدر: شبكة بني عبس

[سعد الرشيدي]

صح اللسان الشاعره

وسلمت اناملك الذهبيه على النقل

اختي الهنوف

[جـــــروح بارده]

صح لسانك لاهنت

[بدر الحشية]

مشكورة على النقل الرائع واختيار موفق

[المغرم اليائس]

قصدية اكتفي بالابحار بماتحويه من همسات عذبة ونفحات رقيقة00

هكذا انتي اخيه دائما تتميزين بالابداع وترتدين وشاحه00

نقل لايفوقه الا روعة تواجدك بيننا00

[الهنوف]

سعد الرشيدي
جروح باردة
بدر الحشية
المغرم اليائس


الاروع مروركم احبتي فشكرا لكم على اطلالتكم المميزة على القصيدة....


تمنياتي لكم بالتوفيق
اختكم الهنوف

[صادق الوعد]

الهنوف مشكوره على نقل القصيده وصح السان الشاعره

ويعطيك العافيه

[عبدالله عوجان]

شكراً على النقل وبالطبع اختيار موفق
وسلمت اناملك
اخوك عبدالله