[ابو بيان]

السلام عليكم ورحمة الله وبركاته
يسرني أن أنقل لكم آخر محاورة للشاعر الراحل /فيصل الرياحي رحمة الله والتي كانت في قاعة اليخت بالرياض يوم الجمعة الموافق 5/1/1430 وأحياها عدة شعراء من ضمنهم الشاعر تركي الميزاني والشاعر ملفي المورقي وشاعر يامي وشاعر عتيبي .
المحاورة الأولى :
فيصل الرياحي
ياسلام الله سلامٍ على خيرة وخير = يارجالٍ نعرف أفعالها وأمجادها
شفت ملفي يوم صلى مع الصف الأخير = المهم إنه صلاته على ميعادها
ملفي المورقي
مرحبابك من عتيبة وفي حلة مطير = كل يافيصل حمولة تعرف شدادها
الصلاة الكاملة حيث ماكانت تصير = والمصلي لا نقصها ولا أحدٍ زادها
فيصل الرياحي
دربنا معروف والحمل في ظهر البعير = من عرف مصدارها عارفٍ ميرادها
أنت عضو المدرسة مير طنشك المدير = صارت أكبر مدرسة ماتعرف أفرادها
ملفي المورقي
غطها بالورد الأخضر ولبسها حرير = والليال الطيبة عادها الله عادها
كل واحد ياالرياحي على روحه بصير = ويش تبغى بالفتيلة وراس زنادها
فيصل الرياحي
الفوايد روحة للفرزدق مع جرير = ياأبو وافي خلها فادها من فادها
سالفة ومخالفة مالها طيرٍ يطير = يوم شفت أم الكباير تعد أولادها
ملفي المورقي
ياالرياحي صاحبي لا تحسبني فقير = اليتامى مالفت العيون لزادها
كان مشغولٌ بالأمه ومجروح الضمير = اليهود أعثت بالأمة وخير بلادها
فيصل الرياحي
لا فقير ولا تسلمت كرسي الأمير = ربعك الهيلا وراء ماتحضر أعيادها
أنت غرتك الروابع مع الوقت الأخير = لا تجاهد غير ناسٍ يحل جهادها
ملفي المورقي
حضرتي ياهيه ماغار باليوم الكبير = ما تدخل في ومورٍ قصير مادها
=========================
المحاورة الثانية :
تركي الميزاني
عطني علومك هنا يافيصل العية = وإن كان تبغى علوم مطير تلقاها
بيني وبينك ترى الأخبار سرية = لا تدري القوم بأولها وبأتلاها
فيصل الرياحي
أنا علومي ياتركي نارها حية = واللي سمع بعضها ماعاد ينساها
كان السياسة تسمى دبلماسية = عطني ملف القضية ودي أقراها
تركي الميزاني
أنا من العام لي مقصد ولي نية = والهقوة اللي تخصك لا تعداها
ماعندي ألا قضيتك السياسية = ونهاية العلم ماهي مثل مبداها
فيصل الرياحي
أنا ما حب الخطأ والإنتهازية = والعام سمعتك الكلمة ومعناها
كانك تشوف القنوات الفضائية = يا كم قناةٍ جديدة ماعرفناها
تركي الميزاني
أنا رسمت الخطوط الإفتراضية = واللي يبي محيها وشلون يمحاها
أنا متابع قنوات السعودية = ومسجل أرقامها ومسجل أسماها
فيصل الرياحي
رسمت مير الظروف الإقتصادية = مدري تحدتك وألا أنته تحداها
ياتركي أثر الجزيرة والعربية = بلوى على المسلمين الله يبلاها
تركي الميزاني
لا بالله السالفه ماهي بعادية = اللي تغدابها واللي تعشاها
أحب هذيك لأجل عيون هذية = وأنته معارض وفي قلبك تمناها
فيصل الرياحي
أم الكباير تموت شوية شوية = عينك على زادها وألا على ماها
الظاهر إنك تجنس كل جنسية = وديان تنزلها وجبال ترقاها
===================
المحاورة الثالثة : مـــــوال
فيصل الرياحي
ياما على البال من هرجة ومن قصة = واللي يعرف العلوم أنصاه وأخصة
وإن سرت في درب ماعودت من نصة = والوقت يومٍ صديق ويوم قوماني
المجمل يخاوينا بعلمٍ جميل = مانسينا سهيل ولا نسينا الجدي
يا حليل العلوم اللي نفسها طويل = والعرب فيهم المقرود والأجودي
اليامي
ياما على البال من قصة ومن هرجة = لاهنت لاهنت يااللي تقطع الفرجة
أموت وتموت ماناكل من الحرجة = والوقت يومٍ صديق ويوم قوماني
إعتبرني خويك ياخوي العميل = مد يمناك يافيصل وأقدم يدي
إعتبرني فتى موسى لا طال الطويل = والثلاثه ثلاثه آخر مطاف جهدي
فيصل الرياحي
يامرحبا ياهلا مليون باليامي = في حلة أهل الوفاء والمركز السامي
إرفع علمك إرفعه مابين الأعلامي = والوقت يومٍ صديق ويوم قوماني
المثل قال مافي وقتنا مستحيل = يمكن تغيب عنك الشمس وأنت تعدي
ياجديد العلوم وياجديد الموديل = إسبح إمع المحيط إسبح فداك الردي
اليامي
الله يبقيك يافيصل ويبقيهم = أهل الوفاء اللي تشرف في مباديهم
خطلان الأيدي طويلاتٍ أياديهم = والوقت يومٍ صديق ويوم قوماني
تالي الوقت يافيصل بتلقى الحصيل = وإن وعدتك وفيت وجيت قبل وعدي
الجديد الجديد بجدته والدليل = إنتبه في بروقي وإستمع لرعدي
فيصل الرياحي
مدري متى جيت من نجران ياالغالي = ياالي كلامك سوات السكر الحالي
الله ياهرجةٍ تطري على بالي = والوقتٍ يوم صديق ويوم قوماني
قبل ينش السحاب وقبل سيله يسيل = ليه ترفض تصلي معي في مسجدي
يازميلي بحال وحال ماأنت بزميل = سيدك سيدك والله ماهو سيدي
اليامي
عزيتنا ياعزيز النفس والنية = ماتدري إن الفلك دوار ياالعية
أخاف تبلش بها روحة بلا جية = والوقت يومٍ صديق ويوم قوماني
لو نشوفك على سكتك عابر سبيل = دور الشجرة اللي ظلها مرقدي
========================
المحاورة الرابعة والأخيرة :
تركي الميزاني
حنا نسولف والخواطر مباهيل = وغزة عليهاالقصف فالصبح والليل
الله لا يبقي باقيه من سراييل = ياالله على بابك يافتاح الأبواب
ياأمة الإسلام ماعاد بالدعوى جدال = شوفوا أرض القدس وش حل بين أسوارها
مابقي فبيوتهم لا بنات ولا عيال = واليهود تصب فوق الأرامل نارها
فيصل الرياحي
المشكلة يوم العرب راحوا أحزاب = واليوم صرنا ضحكةٍ بين الأجناب
أسباب نعرفها لكن . نجهل أسباب = ياالله على بابك يافتاح الأبواب
الفلك دوار مابين ميله وإعتدال = وأمة محمد عسى ماتغيب أنوارها
الملك فيصل سمعنا كلامه يوم قال = أثر فرسان العرب ماتموت أخبارها
تركي الميزاني
صح للبقوم أهل النقاء والمهابه = وإزهل عيال مطير وإزهل عتابه
وإرفع على صهيون صوت الحرابه = ياالله على بابك يافتاح الأبواب
أعلنوا ياأصحابنا بالتحرك والقتال = دولة إسرائيل لابد نلعن عارها
ياالرياحي مايشيل الحمول ألا الجمال = الجمال اللي تدق الجلاد أزوارها
فيصل الرياحي
بأجيك ياتركي بجمعن يبشرك = جمع البقوم اللي هزم دولة الترك
ونقضي على المشرك ونقضي على الشرك =ياالله على بابك يافتاح الأبواب
مير أنا أشوف العرب لا جواب ولا سوال = والجمال تطيح فوق الحجر بأزوارها
لا دعانا شيخنا القرم ميال العقال = نضرب العدوان حتى يطيح شعارها
تركي الميزاني
من اليهود الحرب في كل عاما = والله مانلقى في طرفهم سلاما
أوباما بوش وبوش لا شك أوباما = ياالله على بابك يافتاح الأبواب
إن سمعنا ياالرياحي جميع اللي يقال = كبرت الدعوى وزادت وراء معيارها
أبشر إن الوضع محسوم من هاك الليال = تابع الشاشة وتسمع جميع أخبارها
فيصل الرياحي
يازين تاريخ العرب يوم نوحيه = وياشين حاضرهم وياشين طاريه
شوفوا هنيه بالمصايب نهنيه = ياالله على بابك يافتاح الأبواب
اليمين اليوم صارت تحداها الشمال =والعلوم صغارها في بطون كبارها
منقووووووووووووووووول

الموضوع الأصلي: آخر محاورة للشاعر الراحل فيصل الرياحي في قاعة اليخت | | الكاتب: ابو بيان | | المصدر: شبكة بني عبس

[(*العرعري*)]

الله يرحمه ومشكورر يابوبيان

[بدر بن محمد]

مشكورررررررررررر يابوبياااااااااااااااان
على النقل
والله يرحم الشاااعر/ فيصل الرياااااااااااااااااحي
ويسكن روحه الجنه واموات المسلمين اجمعياااااااا
ولك تحيااااااااااااااااااااااااااتي

[المشعل]

يعطيك العافيه ابو بيان

مشكوور على النقل الراائع

والله يرحم فيصل الرياحي ويرحم اموات المسلمين

تحياتي لك

[الرشيدي.]

رحم الله ابوبدر رحمه واسعه واسكنه فسيح جناته
عزالله ان كلامه درر ولاقصور ببقية العشراء

[منارة الذئاب]

مشكووووور يا ابو بيان والله يرحم شاعر البقوم ابو بدر شاعر علم بيض الله وجهك .....

[مشعل الخياري]

مشكوور علي النقل

[مشعل الخياري]

والله يرحمك يابا بدر
ويسكنك فسيح جناته