[JljJjJl]

بسم الله الرحمن الرحيم

السلام عليكم ورحمة الله وبركاته

إخواني أعضاء وزوار منتديات قبائل بني رشيد

كما عودناكم في كل اسبوع نختار محاورة مميزة من محاورات الأعضاء

هذا الاسبوع وقع الإختيار على محاورة الشاعرين : المقدااد و جحدر


المقدااد

من شاعرٍ غاب واليامن حضر تحضر طواريق=مثل الجنيهات بالصنـدوق بالبنـك التجـاري
والعشقه اللـي ليامـرة تهيـض للعشاشيـق=نظرة مضاليلها اقوى من مخابيـط السـواري

جحدر

من شاعرٍ لاصفق موجه يغطي هضبة طويق=يامرحبا فيك يالمقـداد لـو ماهـو جبـاري
الناس يالشاعر المقـداد تحكمهـا المواثيـق=والعشقة أم الجدايل مالها معشـوق غـاري

المقدااد

فيك البقا والطريق اللي مشيت ينشف الريق=صعود كله صعود ولاتحصل به حـداري
الناس فيهم ثقيل العقـل وبهـم المطافيـق=مثل الطيور ابهم القرناس وابهم الخضاري

جحدر

الصقر مايستهيض الا على روس الشواهيـق=ماينزل الارض لين يشوف خرب من الحباري
انته لو إنك ثقيل العقـل مـن بـد المخاليـق=مارحت تمشي على السيدين مثل الانتحـاري

المقدااد

ياصقر ياللي تكافخ وانت بيديك المسابيق=محدٍ براحمك والله لو تهل من العباري
انا تحيزمت باللي فعلها قطع المعاليـق=لكن ياجحدر انته جحدري مانته بـداري

جحدر

الرحمـة مـن الله المعبـود والدنيـا توافيـق=وإن كان مالله هداك اعطيتك الملـح النـزاري
عز الله إني مابيك من السعة ترجع على الضيق=وعز الله إنـي ليـا ذالحين..ماللشـر طـاري

المقدااد

بعض العرب لو يصفق يا وسيع العرف تصفيق=مدري سعة صدر والا انه على هالفعل ضاري
ياللي مايلحقك فـي نفسـك بهادنيـا ملاحيـق=ارفق علينا مدام يقـال لـك ذيـب الغـداري

جحدر

وبعض العرب يدعي بالشعر وعلومه لماصيق=والله مـدري نسميهـا شعـر ولا هــذاري
وهقت نفسك وأنا عمك ولاهو بـأي توهيـق=حصنيٍ تدور الطمعة من حلـوق الضـواري

المقدااد

تفتل شواربك ياجحدور وعيونك محاديـق=ساري بليلك لكنك مانت عارف وين ساري
ياعم صندوقك اللي تنقله مثـل الصناديـق=مافيه غير الحرير اللي مثل ريش القماري

جحدر

ياطيبك إن كان في وجهك شوارب يامريزيق=المشكلة كان صارن ملط ووجيـهٍ عـواري
أنت يتعداك فنجال آهل الطالـة ليـا سيـق=خذها مناول من الصندوق ماعنهـا مـذاري

المقدااد

خلك ولد وارتفع عن هرج راعيت المساحيق=الرجل لو يزعله خصمه يجي في هرج ناري
الله يسامحك في بعض الخطا اللي منك مايليق=ندمح لك اللي حصل لو فيك بانتلي مـواري

جحدر

مايقنع الخبل ليـن تلـزق بعلبـاه تلزيـق=هالحين عقب العلوم الأولة ويش انت واري
وشلون حطيت نفسك عرضة لرمي التفافيق=وانته جنوبك صخاف وحيلتك حيلة مكاري

المقدااد

ابيك مطلق ياجحدر كل ماجـوك المطاليـق=لكن اظنك حداري دايمـن وانتـه حـداري
يالجحدري ماتعرف تسوق في زحمة سواويق=تماوح ايديـك ليـن انـك تلحـم بالكبـاري

الموضوع الأصلي: المحاورة المميزة لهذا الأسبوع.. ياعم صندوقك اللي تنقله مثل الصناديق | | الكاتب: JljJjJl | | المصدر: شبكة بني عبس

[الفيصلي]

محاوره جزله وختيار ك مؤفق للامانه في عين الصواب

[العقاد]

اختيار موفق اخوي الزلزال يعطيك العافيه والشعراء...

[عبدالباري عبدالعزيز]

محاورة تستحق الاختيار بين شاعرين مميزين
اشكرك على الاختيار
اخي الزلزال

[المميز]

مشكووووووووووور اخوي ....
محاوره تستحق الاختيار

[JljJjJl]

أشكركم على المرور

الله لايهينكم

[(فارس الرشيدي)]

محاورة تستحق الاختيار بين شاعرين مميزين
اشكرك على الاختيار
اخي الزلزال

[العالم الفلكي]

صحت السنت الشعار ومحاورة جزله

واختيار موفق منك اخوي الزلزال تشكر عليه