[(*العرعري*)]

مساء الخير أقدم لكم هالمحاورة اللي نقلتها لكم ونقلتها لكم من الأخ ابوبراك وبصراحه اعجبتني هالمحاورة

صقر :

عــيــنـت لي بكـرة نـيـرتـها ها السنين

............ عـساك من عقب هاك الوقت فطنٍ لهـا


أتـلا عـهـدنـا بـهـا يـوم أرزمـت بالحنين

........ والناس قالوا لي ابن هتيل شنحٍ لهــا



سعد :

ياصقر هي من سمار الطرش ولا لوين

.............وايضا بعد ياوسيع العرف وش حلها


ماشفتها جعلها لمدورك ماتبين

.....................ماعندنا حل ضيعتها مداجٍِ لها



صقر :

الله خابر وكل الناس بك خابرين

................... يوم انت تلعب لها لين اختلف دلها

الغايه ان حجتي من غاربك يالسمين

................مانيب من حطها ولا نيب من شلها



سعد :

البكره اللي تقول شهودها حاضرين

......................مانيب ملفا لها مانيب ملفا لها


دور لها في يسار النزل ولا يمين

................هيجن لها من شليل النزل هيجن لها


صقر :

شعيتها ياسعد شعي الهجين اليدين

............غديت فيها وانا امشي كان في ظلها


ياليتها من ضليع الثور للروضتين

..................مرباعها بالحتايف جاز والا اللها



سعد :

الحايل اللي بها دبدوب وقلادتين

..............ياعريب دار اسمحوا منها وقارٍ لها


حيث انها بكرةٍ مشعاف والحل زين

................ترحل مع البدو وتعيّن وليفٍ لها


صقر :

ياواهني من يشد حبالها باليدين

..........ويمسي ويصبح ورا المطـلاع راعٍ لها


ويفتل لها قيدها الكمبار ابو ثنوتين

..............وعقالها وان رحل ميّـل على شلها


سعد :

ياصقـر انا طالبك لاتعترضها بشين

....................يابو مهلي ترا مثلك وديعٍ لها


ترا الفتاه الظهيره غدوة الطيبين

................الطيب اهلٍ لها والخايب افدا لها



صقر :

لا والله الا نويت تحوفها ياللعين

..................ياعارفٍ وسمها وشلون تحتلها


بيني وبينك هل المعروف والغانمين

...........وان كان عادك رفيقي بكرتي خلها



سعـد :

ياصقـر هي لك وانا باخذ بها ركعتين

............عند الضحى واطلب الله جعلك تملها


وانا باعيّن عوضها من هل القريتين

............ الديره اللي تربي مثلهـــا ادلهـــــا

الموضوع الأصلي: محاوره قديمه ( صقر النصافي وسعد ابن هتيل ) | | الكاتب: (*العرعري*) | | المصدر: شبكة بني عبس

[العقاد]

اخي العرعري بيض الله وجهك على هالمحاورات النادره التي تستحق النقل
تقيل شكري وتقديري

[الحر النداوي]

ياسلام ياسلام هاذي والله المحاوره

جعله يسلم الناقل

[شاعر الوطن]

الله يعطيك العافيه على هالمحاورات الطيبه يالعرعري

[ناصر الخياري]

تسلم يابن عريعر.؟..

[العالم الفلكي]

هذي المحاورة ولا بلاش تسلم يمينك يالعرعري على النقل

[مرشدالمظيبري]

اخي العرعري بيض الله وجهك على هالمحاورات النادره التي تستحق النقل
تقيل شكري وتقديري