[عنقود البدو]

بسم الله المعبـود عـلام ماخفـا يعلم ولا نعلم ونرجـي فضيلتـه
نطلب رضاه ونلتجي به عن الدهر وهو عون من قلت نفوذه وحيلتـه

عليه مشكانـا ونرجـي لفزعتـه وله نشتكي عوجا زمانّـا وميلتـه
نؤمن بما نزل ونرضى ما كتـب ولا خاب عبد طلبت الله وسيلتـه

فمن بعد ذكر الله بنيـت المثايـل وخذيت من وارد كلامي جزيلتـه
وحبيت اوضح للنشاما مشاعـري وعن ماحوى قلب تزايد شعيلتـه

ساير زمانـه واتعبنـه مشاكلـه واحتار في سنعت زمانه وعيلتـه
نركض ورى الدنيا وهي ماتهمنـا لاشك كل مجهدن فـي حصيلتـه

فاتعب مثل غيري لجل سد واجبي وكل يبـي فعلـه وارد جميلتـه
فأنا رصيدي ياهل الطيـب وثنـا رفقة رفيـق وافـي لا نصيتلـه

رفقـة رفيـق رفقتـه مايغشهـا وضعي يهمه لو انا ماحكيت لـه
لاغبت ينشدني عن اسباب غيبتـي ولابطا علي لو هو بعيدٍ عنيت له

ولاحتجت عاوني ويمنـاه وافيـه وصعب اللوازم لا بدالي بديت له
هذاك جعـل الله يطـول سنينـه ولعـل قبـره ماتركـز نثيلـتـه

ولا مات قالوا راح شيخ وفقيـدةيفتقده الصاحب وتنقـص قبيلتـه
والا الردي ياصحابنا الله يجيركـم حتيش لو عند اللوازم عنيت لـه

لاهوب نافعني ولاهوب ضارنـي حلال قومٍ تحـت دبـرة حليلتـه
لاخير في جوده ولا اطمح لرفقته والله يقلل فـي عربنـا فصيلتـه

قلته وانـا مانيـب شيـخٍ مسمـا ولانيب من يعميه داخـن فتيلتـه
واختامها مني صلاةٍ على النبـي عداد وبلٍ تنثـر المـاء مخيلتـه

....

للشاااعر راجح بن نجاء بن سالم المكيحلي السبيعي

الموضوع الأصلي: .. بسم الله المعبـود .. مما اعجبني .. قصيدة في النصح .. | | الكاتب: عنقود البدو | | المصدر: شبكة بني عبس

[ابن الخميلي]

اعجابي في محله اختيار موفق وابيات في غاية الجمال

[المشعل]

عنقود البدو يعطيك العاافيه
ابياات راائعه

لاهنتى على النقل والاختيار الموفق

وصح السااان شاعرها

تحياتي لك

[عنقود البدو]

ابن الخميلي

اشكرك من القلب ع تواااجدك واعجاابك بما نقلت

لا خلا ولا عدم

[ابوديما]

عنقوده نقل اجمل من الاجمل
قصيده وافيه بما تعنيه الكلمه
اشكرك من كل قلبي
وسلمت يدينك

ارق تحيه

[مروان الرشيدي]

عنقود
:
:
تسلم يدك على النقل الرائع


مبدعه في أختياراتك

الف شكر
:
:
:
تحياتي

[العريض]

صح الله لسان الشاعر راجح

نقل موفق وجميل

تحياتي لك

[فهد العوضه]

منك الذوق دائــــــــــــــاً
قصيده رائـــــــــعــــــه
اسجل اعجابي بنقلك الراقي
اختي عــنـــقــود الـبدو
تحياتي