[الاجهر]

ارجوك بعض المشاعـر لاتهزهزهـا=ترى المشاعـر تألـم عنـد راعيهـا
وترى النفوس العزاز الهـا حواجزهـا=وحواجز النفس ستر (ن ) من خوافيهـا
لا تقول لك كلمة (ن) تحسبك تحرزها=وتطيح لاقمـت منهـا منـت قاويهـا
وان قلت لك كلمة (ن) حاول تركزهـا=ولا ترى الصمت خير (ن) من حكاويها
ودعواك لاصار مـا تقـدر تنجزهـا=ازبن على واحد (ن) ساعـه وينهيهـا
ولا تجود علـى صبـر (ن)يعجزهـا=وتجيك في وسط بيتـك مـا تناديهـا
وكم واحد(ن) حاجتها بالصدر يكنزهـا=من قـل مـن يستمعلـه يـوم يبديهـا
يخشى مـن اللـي يهمزهـا يلمزهـا=يضحك بعض ناس لاكن ناس يبكيهـا
وشكواك لابن الردي حذر(ن) تعنزهـا=يفضحك وتروح فيها وانـت كاميهـا
وعليـك تكبـر ولا تقـدر تميـزهـا=وتضيع في طوشة(ن) تبلـش بتاليهـا
والسالفـه يقـدر الـواحـد يلفـزهـا=ويقدر على ناس مـن شكلـه يمشيهـا
ولاتشغلك حرمة(ن) منـت متجوزهـا=تطرد وراها وغيـرك يهتنـي فيهـا
ولا يفرحك شوف الارنب لو تنقزهـا=مـادام مـا شفتهـا بالنـار شاويهـا
ولاتحسب (ن) الذهب باي يد(ن) يزها=ترى الذهب مـا يغيـر لـون اياديهـا
والنفس حاول بحـد اقصـى تعززهـا=نفس(ن) بلا عزهـا مانـي مداريهـا
والنـاس لاتقـوم بعيونـك تخززهـا=احمد على العافيـه واسلـك مماشيهـا
ومن طاوع النفس تشقيـه بغرايزهـا=ومن طاوع العقل يسلم مـن بلاويهـا
والمرجلـه ماتحـب اللـي يهاوزهـا=تبي لهـا واحـد(ن) دايـم يحاضيهـا
واللي عيونـه مـع الظلمـا يغمزهـا=ماحد(ن) درى عن عيونه لـو يعنيهـا
ونفيستـك وانـت فانـي لاتغزغزهـا=المقبـره بأنتظـارك وانـت ناسيهـا
والنـاس دورات قادرهـا بعاجـزهـا=ماخلـق جنـه ونـار وزعـوا فيهـا
وناس(ن) مع الله وناس ابليس ناغزها=سبحان من ظل ناس ونـاس هاديهـا
وناس(ن) تعلـت وعلتهـا مراكزهـا=وناس(ن) تبي الطيب مير الطيب فاحيها
وناس(ن) تحفز ومعروف(ن) تحفزهـا=وناس(ن) تبي من يشيمهـا ويعطيهـا
وناس(ن) تلعوز وتسلم مـن تلعوزهـا=وناس(ن) مع اللعوزه تبطـي لياليهـا
وناس(ن) تبي نبز ناس وناس تنبزهـا=نابز ومنبـوز ليـن المـوت يفنيهـا
وناس(ن)عجز رزقها يكمل عوايزهـا=لاهـي فقـارا وهـي مالله مغنيـهـا
حتى العجايز تبي نـاس(ن) تهمزهـا=العافيـه والظنـا مـاهـو مكفيـهـا
وان قمت اعاند تفاكيـري وابارزهـا=صارت حجاوي وانا مانـي محجيهـا

	عبدالله بن باتل

الموضوع الأصلي: وناس(ن) مع الله وناس ابليس ناغزها | | الكاتب: الاجهر | | المصدر: شبكة بني عبس

[سالم الرشيدي]

صحـ السان

الشاعر عبدالله بـااتل / البحر الميت

ومشكور الاجهر ولاهنت

[منارة الذئاب]

صحـ السان

الشاعر عبدالله بـااتل / البحر الميت

ومشكور الاجهر ولاهنت تقبل تحياتي .....

[فلاح الرشيدي]

صحـ السان

الشاعر عبدالله بـااتل / البحر الميت

ومشكور الاجهر ولاهنت

[مرشدالمظيبري]

صحـ السان

الشاعر عبدالله بـااتل / البحر الميت

ومشكور الاجهر ولاهنت

[وشلون مغليك]

صح اللسان الشاعر / عبدالله باتل

ويعطيك العافيه اخوي الاجهر على النقل تقبل مروري