[محمد الدغباسي]

مساء / صباح الخير على الجميع


اليوم جايب لكم قصيدة لي


اتمنى ان تعجبكم

يطري علي في تالي الليـل يطـري طاري يخلي صافي الفكـر منحـاس

شق الضلوع وقفل اضلاع صـدري ولز الخفوق ودكبه الـف هوجـاس

وضاق الصدر والحزن هذاك عذري في ساعتن مالي مع الناس مجلاس

الله يصبرنـي ليـا ازداد كــدري وقامت تعنينـي بهاذيـل واتعـاس

وسقت القدم والقلب محتاج يسـري يبعد عن الديره ويدله عـن النـاس

يم المكـان وفيـه يرتـاح فكـري فوق الطويله معتلي فـوق نبـراس

والدمع من موقه على الخد يجـري من عقب دمع العين ترتاح الانفاس

باسبابهـا ضاقتبـي ايـام عمـري من راحت وقلبي كما وسط محماس

كسري ترا منها يالو بـان كسـري كسرن مثل من يكسر اشجار بالفاس

ياليتها في ضيقتـي شـوي تـدري ماظنتي تقفي وانـا ليلـي اعمـاس

او ليته يجيها مـرض منـه تبـري استغفـرالله جعلهـا ماتـرا بـاس

تبي الصراحه ليتها تشوف شعـري وتقرا الذي مكتوب من فوق قرطاس

تحسبي لامـن درت ويـش يجـري وياصلها بصدق المشاعر والاحساس

لانه علـى شانهـا اتعبـت حبـري في حبها اللي بنيتـه علـى سـاس

والطاري اللي لاسرا الليـل يطـري في حزته مالي مع الناس مجـلاس

الموضوع الأصلي: يطري علي ................. | | الكاتب: محمد الدغباسي | | المصدر: شبكة بني عبس

[مرزوق العجوني]

صح لسااانك اخوي محمد ولا هنت وننتظر منك المزيد تقبل مروري وتقديري

[ابوديما]

صح لسانك اخوي
ولاهنت

[محمد الدغباسي]

يامرحبا فيك يامرزوق

لاهنت وتسلم شاكر لك تحياتي

[محمد الدغباسي]

صح بدنك ياابو ديما

تحياتي

[عيسى بن راكـب]

صح لسااااااااااانك أخوي محمد

قصيدة رائعه لا تقل عن روعة حضورك

بأنتظار القادم الاجمــــــــــــل

تحيتي لك يا مبدع

[احمد سبيتان]

صح لسانك الشاعر محمد الدغباسي


وبيض الله وجهك على هذا الشعر الجميل
والرائع شاعر قادم
بقوه واتمنى لك التوفيق

احمد سبيتان

[احمد سبيتان]

صح لسانك الشاعر محمد الدغباسي


وبيض الله وجهك على هذا الشعر الجميل
والرائع شاعر قادم
بقوه واتمنى لك التوفيق

احمد سبيتان