[العريض]

لا تعتـذر مـا للهجـر منـك تبـريـر
صـدك بليـا ذنــب والله ظليـمـه 00

ماصار لـي بعـدك يفـوق اي تصويـر
تجـددت كـل الجـروح السليـمـه 00

بـعـدك لعـبي هاجـسـي والتفاكـيـر
وقلبن جريح وروح صبــــن مهيمه 00

ماغيـر اسلـي خاطـري بالمشـاويـر
اروح وارجـع والهواجـس مقـيمـه 00

ياحبـي اللـي بيـن بيـض الغنـاديـر
لك في عروش الـقـلـب قـدر وقيمـه 00

ان كـان صـدك ماخـذك عنـي لغيـــر
روّح ولـو إن الخسايـر وخيــــمـه 00

وان كانهـا عنـي خـذتـك المـقـاديـر
فالعفـو عنـد المـقــدره فيـه شيمـه 00

يامرحبـا والـحـب كـلـه معـاذيـر
تشفـع لـك أيـام الغـرام الـقـديمـه 00

يـوم الهـوى ليا زارنـي منـك أعصيـر
أضم في صدري من أجلـك نسيمـه 00

واليوم اصبـــر خاطـر الوجـد تصبيـر
واقول صدك عقب وصلـك جريمـه 00

وإليا جـاك منـي ياهـوى البـال تـقـصيـر
مواقـفـي ويــاك والله عظيـمـه 00

صخرت لك مشاعـر الشـوق تصخيـر
وامطرتـك بحبـن تقـفـاه ديـمـه 00

وظــلـلـتـك بجفنـي وصـارت مسافـيـر
يـوم الغـلا بيـن النديـم ونديـمـه 00

واليـوم ماتنـفـع كثـيـر المحـاذيـر
تـفـاغمـت بيـن النفـوس الحشيمـه 00

عسى سنينـك روض عشـب ونواويـر
محـد لنفسـه يرتضـي بالهزيـمـه 00

إمـا تخاوينـي علـى الشـر والخـيـر
والا السلامـه منـك راس الغنيمـه 00

م
ن
ق
و
ل

الموضوع الأصلي: ان كانها عني خذ تك المقادير | | الكاتب: العريض | | المصدر: شبكة بني عبس

[سالم المظيبري]

صح السان شاعرها وبيض الله وجه ناقلها
لاهنت
تقبل تحياتي واحرامي

[عبدالعزيزعلي]

يابعد قلبي ياحجاجوووه
دائماً نقلك رائع سلمت

[منارة الذئاب]

صح السان شاعرها ولاهنت على النقل الرائع تقبل تحياتي .........

[الاجهر]

إمـا تخاوينـي علـى الشـر والخـيـر
والا السلامـه منـك راس الغنيمـه
----------------------------------------------------
لله درك لله درك


وان كانهـا عنـي خـذتـك المـقـاديـر
فالعفـو عنـد المـقــدره فيـه شيمـه 00
يامرحبـا والـحـب كـلـه معـاذيـر
تشفـع لـك أيـام الغـرام الـقـديمـه 00

يـوم الهـوى ليا زارنـي منـك أعصيـر
أضم في صدري من أجلـك نسيمـه
-----------------
احساس حي واختيار من الوزن الثقيل - لاهنت

[العريض]

اقتباس من مشاركة سالم المظيبري صح السان شاعرها وبيض الله وجه ناقلها لاهنت تقبل تحياتي واحرامي

يشرفني مرورك لاهنت

[العريض]

اقتباس من مشاركة عبدالعزيزعلي يابعد قلبي ياحجاجوووه دائماً نقلك رائع سلمت

ومرورك اروع لاهنت ابوجلوي

[ثامركو]

ماغيـر اسلـي خاطـري بالمشـاويـر
اروح وارجـع والهواجـس مقـيمـه 00
صح لسان القايل والناقل
لوانها يمكن قديمك نديمك........