[العالم الفلكي]

بسم الله الرحمن الرحيم

السلام عليكم ورحمة الله وبركاته

هذه المحاورة بين الشاعر ابوعوجه والشاعر ناصر خنيفر

ابوعوجه

سلمولي على ناصر كثير السلام=يأهل الديره اللي حن نرعادها
المطيه علامه ضاع منها الخطام=مابقى الا يتدلا فوقها اشدادها

ابوتركي

وصلنا علمكم بحلول وقت الظلام=وصل عبر الجهاز بنومت اعبادها
وضح اشوي حنا ماعرفنا الكلام=ماعرفت القضيه وشي ابعادها

ابوعوجه

علمنا لاوصلك يصحي اللـي نيـام=كم شهور السنه هجري وميلادها
بيت من طين والاخر مزخرف رخام=راعي القوم كيف اصبح من اسيادها

ابوتركي

صح نفسك هداك اللي ينش الغمام=وعد الايام مالي شغل بعدادها
جبتها فوق راسك ياقليل الرحـام=مار خل القضيه عنك بمهادها

ابوعوجه

انتبه زين لاوالله علـي الحـرام=لابعد النوم عن عينن تبى رقادها
انت ماموم هالحينه وغيرك أمام=وين راحت هذيك القوم واعتادها

ابوتركي

انت وشبك على مبارك بخشمك عرام=لك اسبوعين وانته مبلش اجوادها
ابك هذا تمـام ومـن رجـالٍ تمـام=وشي المشكله كان العرب قادها

ابوعوجه

اخضع اخضع العمك بعدها ماتلام=يوم صار الفضاء في حكم روادها
يوم حتى عيونك كبر فيها الخمام=اثر من ذاقها صحيح ماعادها

ابوتركي

ماخضعنا لغير الرب رب الانـام=نازع الروح وانكانه ومر عادها
اترفع عن الالفاض لاجل الكـرام=ولا جزاء الله رجالٍ كثرت احقادها

ابوعوجه

بعد مادارت الدنيـا ورحتـو قسـام=جعل بعض العرب ترجع على بلادها
فوقك الطير الاسود يابيض الوجه حام=وضاعت الناقه اللي فكت اقيادها

ابوتركي

طول عمر ابو عوجه بالحكي ماستقام=ماخذن طبع الاشرم هو وجلادها
دام طيرك كذا لونه ماخاف الحشـام=دام هاذي طيورك للعلف نادها

الموضوع الأصلي: ابوعوجه + ابوتركي | | الكاتب: العالم الفلكي | | المصدر: شبكة بني عبس

[الغريب*]

محاوره طيبه بالحيل بين العمده وابو عوجه مشكور على التنسيق الطيب يالعالم الفلكي

[ذيب الذيابه]

صح لسانهم ما عرف لأبو عوجه غير العمده ههههههههههه

[مرشدالمظيبري]

محاوره طيبه بالحيل بين العمده وابو عوجه مشكور على التنسيق الطيب يالعالم الفلكي

[ابو ريتاج]

صح السان الشعار والله يعطيك الف الف الف عافيه ع النقل

[ناصر خنيفر]

مشكور على التنسيق ولاهو غريب عليك العلم الطيب يالعالم الفلكي

[الغريب*]

محاوره طيبه بالحيل بين العمده وابو عوجه مشكور على التنسيق الطيب يالعالم الفلكي

[المهم 1]

شعرا كبار صح السنكم