[العالم الفلكي]

بسم الله الرحمن الرحيم

السلام عليكم ورحمة الله وبركاته

هذه المحاورة بين الشاعر الساري العجلان والشاعر ابوعوجه

الساري العجلان

يمرحبا من قلعة التاريخ والمجد العريـق=ترحيبتً فيها خبر واللي يجينا يسمعه
يالصحابي الشعار ياللي بالمعارك كالحريق=عندي خبر كنه جبالا والعلوم امزعزعه

ابوعوجه

جعل البقاء بك وأنته الليله لأبو عوجه صديق=يالشاعر اللي بأول المشوار يشر بأصبعه
عطنا علومك كلها قـدام صـدري لا يضيـق=وأنت ازرع اللي تزرعه ثم أحصد اللي تزرعه

الساري العجلان

اثر العوج منعاج يارجال لو زان الطريق=مايفهم اطروق العرب لو غادرو للمجمعه
الكارثه شبت براس الريع والا بالمضيق=واللي يبا يحسبلها يمكن يصيبه معمعه

ابوعوجه

عز الله أني مع رجال المعرفه وجهي طليـق=وين الخبر ياللي تقوله ليه ليه تضيعه
لا تحسبن الاعوج أن طب البحر يصبح غريق=مير انتبه يالساري العجلان خلك بالسعه

الساري العجلان

ان زلزلت من تحتك الاقدام يسمعلك شهيق=مدري من الاقدار ولا من وجيهاً نصفعه
شفرتها يالاجودي لجل الخواطر ماتظيـق=ونتا خبيراً بالطبيعه واللمنايا تلسعه

ابوعوجه

خذها وذقها يوم ضيعت المعاني يا عتيق=اثرك سم الداب لو شفته بعينك تبلعه
يالساري العجلان مع ريع الندامة لا تويق=والله لتسري كل ليلك وانت زي ابو اربعه

الساري العجلان

تبغا تضيع نكبتك وثرك كما ضواً بريق=تحسب رجال العرفه ماتعرف اللي تجمعه
ياسيدي دامك مضيع فالنهايـه ماتفيـق=ونتا خضير والحمول اللي عليك امربعه

ابوعوجه

انا عطيتك علم لن العلم فـي شخصـك يليـق=وان كان مايكفيك منا تجيك ضربه موجعه
سلم على راس الاعوج راسه مثل هضبة طويق=ياطير يامبرقع ماتشبه لطيور مبرقعه

الساري العجلان

اثرك تبا روس القنا واثرك عليها كالشفيق=يامل فرقا العين ياعينك عساه مشبعه
هاذي تجاريبك يترجمها لسانك من حليق=واثرك كما نور القمر واشيوعه المتشيعه

ابوعوجه

الساري العجلان اله قلب ٍ لكن قلبه خريق=يأكل من النكبات والنكبات عيت تشبعه
على ماقالو بالمثل راحت اعلومه خيق بيق=وعلى ماقالو بالمثل كلٍ يعود المرجعه

الساري العجلان

فتش ضروفي ياغبي تاجدبها سم ورحيق=مير انتبه من بشتك اللي ياغبي ومرقعه

ابوعوجه

لاوالله اللي رحت في مسراك ياساري سليق=لوالاعوج يدخل بغار ام رضمه ماتطلعه
خل الشعر لاهل الشعر خلك مشجع للفريق=الظاهر انك كل ماحصلت ديسٍ ترضعه

الموضوع الأصلي: الساري العجلان + ابوعوجه | | الكاتب: العالم الفلكي | | المصدر: شبكة بني عبس

[العقاد]

مشكور اخوي العالم الفلكي
يعطيك العافيه ع التنسيق
شكرا

[مبارك نافع]

صحت ألسنت الشعار

[الساري العجلان]

مشكور اخوي العالم الفلكي
يعطيك العافيه على التنسيق
شكرا