[الذيابي10]

جراح الزمن

ليت الزمن لاراح مايترك اجراح = تحيا على أطلال مضت وأزعجتني

لو ماتت الذكرى مع الوقت ماناح = قلبي. ولا عيني بكت وافضحتني

يوم الزمن مسراحه بدون مرواح = هو ليه يترك.. لحظة(ن) عذبتني

تنبش قبور لذكرياتي وتجتاح=( سكوني )...اللي يرتبك لالفتني

في بالي أشياء ..ماتخليني ارتاح = لو كنت أبي نسيانها مانستني

للحزن باب ..وللهواجيس مفتاح= مهما اتهرب من لقاها لقتني

ماذوبتها طول الأيام.. ياصاح = عشرين عام (ن)ماضيه.. لازمتني

تعيشني لحظه.. بلحظه ولانزاح = خيالها من ناظري. وارهقتني

بالليل تسري بي الياحد الاصباح= وان جاء نهاري للطواري خذتني

لاشعر بمن جاني ولا أشقا بمن راح=ماغير أجاهد عبرتي لاخنقتني

شعر: نشمي الرشيدي

الموضوع الأصلي: قصيدة ( جراح الزمن) ارجوا أن تنال اعجابكم. | | الكاتب: الذيابي10 | | المصدر: شبكة بني عبس

[برق الوسم]

صح لسان شاعرها
ولاهنت ع نقلها لنا
واسمح لي بنقلها للمكان المناسب هنا
تقبل مروري

[الذيابي10]

صح بدان يابرق الوسم وشكرا على نقلها للمكان المناسب