[محمد عيد عسكر]

هذه نصيحة الشاعر الكبير صقر النصافي


مقال من وصـى عيالـه والدهر لهـم شكالـه

ن تبع درب الرزالــه فالمجـالـس تشنعـه

ياعيـالـي كلـكـم افطنوا فـي حالكـم

التـفـرق ذلـكــم والتجـمـع منفـعـه

الفقيـر ليـا نصاكـم في رجا الله ثم رجاكـم

لا تخلونه من عطاكـم كل مـا جـاه اقنعـه

يامهلهل شف اخوانك صوبهم وصوب شانك

احتفظ علـى لسانـك عنهم والغيـظ ادفعـه

يامسلّم وانـا ابـوك العرب وان صاحبـوك

مايعزك غيـر اخـوك كل مـن قـال اتبعـه

وانت يابنـي افتكـر خل قولي لـك ذكـر

وفقة الطيـب شكـر والـردي لا تتبـعـه

والقصير امسوا بحقـه لو تجـي منـه المشقـه

او نواه القلـب بدقـه اطو بيتـك واشلعـه

وللخوي حق عليكـم تجعلونه مـن حديكـم

كان شفي في يديكـم ليـن يوصـل مربعـه

ان تجمل ذا اشكروا له وان تردى عبر ذا لـه

لو تجرّا بعـض قولـه غصـتـه بالمبلـعـه

لا بـلاك الله بعـاقـه من مقاريـد الرفاقـه

لاتـوريـه الحمـاقـه ليـن ربـك يقلـعـه

عند نفخاتـه وريـده خل شوفاتـك بعيـده

ثـم عقبـه لا تعيـده السعـه ثـم السـعـه

الرجـال بهـم ثقيـل كـل عمـره مايعيـل

وان طمع فيه الذليـل عـن طريقـه يصفعـه

ان بغيتـه بالـمـروه شفت نو الخيـر نـوه

وان بغيت منـه تـوه طز عينـك باصبعـه

كم صبيٍ كـل يـوم يعتزي من غيـر قـوم

وان تناطحوا القـروم مايـدانـي القرقـعـه

الشكالـه للـرخـوم يحسبونهـم الـقـروم

وقت مايبدي اللـزوم عشرهم يصفي اربعـه

والحمق يحدث مضـره يلحق العقـال شـره

لا نواه القلـب مـره قـالـوا الله يقطـعـه

الرجـال بهـم حليـم لا يضـام ولا يضيـم

في زمانـك ذا عديـم والحقـوق مشـرعـه

والحريم فيهـن طبايـع فيهن التجهيد ضايـع

لو فيهن عنود وطايـع كل الاكثـر مندعـه

النصيحـة مـا يبنّـه والخمال يد حمـر منـه

لو بغـن شـي يجنـه لـو عليهـن مسبعـه

لو تقولـون العجـوز عـن طبايعهـا تجـوز

عنـد طاريهـا تفـوز تركـض ام الدردعـه

لونها فـي زي ضبعـه مالها من العمـر شبعـه

كل مخلـوق وطبعـه خاسـر مـن طمعـه

ثـم فيهـن غشمريـه صايبـه ومجازعـيـه

عند ضحكات الثنيـة كل مـا جـا تلقعـه

السفيه اللـي نظرهـا دايم يركـض باثرهـا

عارف ان مـا قدرهـا بـس يلهـث مدلعـه

والفطين اللـي عرفهـا كف رجله من طرفهـا

عارفٍ انـه ماخرفهـا لـو تصيـر مهوفعـه

والتمنـي مـا يفيـد مثل طير طار من ايـد

لو بغيتـه مـا تصيـد بالهـوى مـن برقعـه

ثـم فيهـن سيعريـه تاكل ما تنظف يديـه

الردى ماهـي رديـه ميـر مـا جـا تبلعـه

رجلها لو جاب واجـد عندها ماهـو بواحـد

ان سكت بالفقر ساجد وان تكلـم تسبـعـه

ان تكلمت انفضحـت وان تغاضيت انجرحت

وان سكت فهي نتّفت نتف ريـش القوبعـه

تنصحك وهي العـدوه وانت تحسبها الحمـوه

وتظـن بهـا المـروه حبل وصلـك تقطعـه

وفيهن من عقلها خريق ورجلها ماهـي تليـق

دايــم بهالـفـريـق وهرجهـا لـه قرقعـه

وفيهن من زينها عديـم ذرابـه عقلـه سقيـم

ما بوده لـك سليـم لـو خلوقـه درعـه

وفيهن من عقله ثبـات زينها مـن الموسطـات

مستوره مـن البنـات عقلها ومعـه السعـه

وفيهن من عمره نصوف في حلالك له تـروف

لو حلالك عد الـوف كـل شـي بسنـعـه

وفهين من توخذ بمالـه عمرهـا مابـه جمالـه

تبغيه وحـلال عيالـه قل عسـى الله يشلعـه

وفيهن من لك عـذاب لونهـا بشبـه غـراب

كان تسمع للجـواب بالهبـايـا تـدفـعـه

مايطيع اهل النصيحـه لابس ثوب الفضيحـه

دايم رجلـه مشيحـه وبالعوايـد مولـعـه
وشكرا

الموضوع الأصلي: وصية الشاعر صقر النصافي | | الكاتب: محمد عيد عسكر | | المصدر: شبكة بني عبس

[برق الوسم]

رحم الله الشاعر الكبير صقر النصافي واسكنه فسيح جناته
مشكور اخوي على نقلها لنا
دمت بود

[منارة الذئاب]

الله يرحم الشاعر الكبير صقر النصافي قصيدته ملئه بلحكمه مشكور على النقل اخي الكريم دمت بود ....

[فلاح الرشيدي]

مشكور على الطرح يالغالي والله يرحم صقر النصافي
لك ودي وتقديري

[سالم المظيبري]

الله يرحم الشاعر الكبير صقر النصافي
وشكرا لك على نقل الرائع
دمت بخير

[ابو ريتاج]

الله يرحم الشاعر الكبير صقر النصافي ويسكنه فسيح جناته وتوصيات وحكم رائعه
وشكرا لك اخوي على نقل الرائع