[العالم الفلكي]

بسم الله الرحمن الرحيم

السلام عليكم ورحمة الله وبركاته

هذه المحاروة بين الشاعر سعد المحيش والشاعر ناصر خنيفر العمده


سعد المحيش

سلامي علي ربع(ن) لهم صيت وافعال=هل المرجله وأهل السيوف الرهيفه
حضرنا نشوف الوضع ونبـدل الحـال=ونرقا على روس الجبال المنيفه

العمده

هلا مرحبا يامعرب الجد والخـال=عدد ماكتب حرفن بوسط الصحيفه
حضورك شرف للكل ياطيب الفال=لحيثك شريف ومن رجالٍ شريفه

سعد المحيش

أبشرب معك ياعمـدة الربـع فنجـال=تراني حليفً مايخلي حليفه
أنا أشوف دلو البير تصفق علي الجال=وبرق الحيا فاالمزن يشعل رفيفه

العمده

تفضل وانا وياك في كل الاحوال=على ايا جهه تبغا نسوق العسيفه
ما تصفق ادلي الببر بيدين رجال=وخل السوالف ياالبناخي خفيفه

سعد المحيش

لقيت البنوك ألي بها روس الاموال=وبعض العرب ماعاد يلقا وظيفه
خذ العلم ياناصر وما قيل ينقـال=ولا أشوف وادي غير وادي حنيفه

العمده

عسى الله يزيدك خير مع زين الاعمال=وطلب العلا والرزق دايم كليفه
صحيح الخبر يطلع ولو بالخلا الخال=مايطلع من الالسن حكي لو نتيفه

الموضوع الأصلي: سعد المحيش + ابوتركي | | الكاتب: العالم الفلكي | | المصدر: شبكة بني عبس

[فلاح الرشيدي]

مشكور على النقل والتنسيق يالغالي
لك ودي وتقديري

[ناصر خنيفر]

العالم الفلكي مشكور على التنسيق والله يعطيك العافيه

[العالم الفلكي]

اقتباس من مشاركة فلاح الفلاح مشكور على النقل والتنسيق يالغالي لك ودي وتقديري

مشكور يافلاح على المرور والتعليق

[العالم الفلكي]

اقتباس من مشاركة ناصر خنيفر العالم الفلكي مشكور على التنسيق والله يعطيك العافيه

الله يعافيك ومشكور على المرور والتعليق يابوتركي

[المميز]

مشكووووووور على النقل الرااااااائع والجميل..وانت دائمن اجمل

[العالم الفلكي]

مشكور يالمميز على الرور والتعليق

[سعد المحيش]

مشكور يا مشرفنا المتميز على التنسيق