[الذيابي33]

.طال الغياب وطاول المقـرود هاالليـل الطويـل
الله وكيلك كل شيّ(ن) في سما هاالليـل طـال


ملّ الصبر من صاحبـه والنـار ولّعهـا فتيـل
وأخذت سيفك يا قصيدي يـمّ ساحـات القتـال


مافيه عاقل يمتطي صهـوة جـواد المستحيـل
ينخا وينخا في زمان(ن) أثمر أشبـاه الرجـال


في ساحل الدمام أدرّس نفسي الصبـر الجميـل
وأعزي النفس الحزينه فـي فناجيـل الـدلال


أوازن حروفي وغصب(ن) لا طرت حايل تميل
وأحط شوقي با اليمين ويرمي سنينـي شمـال


ما باقـي إلا ذكريـات وقصـة الحلـم الذليـل
تسفي عليه من الصحاري كل دمعـات الرمـال


( خذ يا بحر كل ماتبي ) لا مات هاذاك الخليـل
وش عاد يفرق يا بحر بين الحقيقه والخيـال !


وش عاد أسوي في غلاه وكيف أدّور له بديل !
القصه أكبر يا بحر يضرب لهـا أكبـر مثـال


لا صار حبّه جوف قلبي كنّـه جـذور النخيـل
الموت أهون يا بحر دام الحرام أصبـح حـلال


كم طعنة(ن) يا قـوة الله ترمـي بميّـة قتيـل
ياما تحمّلنـا ليـال(ن) مـا تحمّلهـا الجبـال


أرفع كفوفي للسما .. يا الله داخل بـك دخيـل
إرحم غريب(ن) شيبت عينه صواديف الليـال






الذيـ،،،،،،،،،،،،،،،،،ـابي 33

الموضوع الأصلي: ( خذ يا بحر كل ماتبي ) ! | | الكاتب: الذيابي33 | | المصدر: شبكة بني عبس

[الاجهر]

صح السانك قصيدة ذات تسلسل متقن واحداث متواترة تنتهى بالوصول الى معنى - فداية الخليل بكل شي -
تحياتي

[الذيابي33]

اقتباس من مشاركة الاجهر صح السانك قصيدة ذات تسلسل متقن واحداث متواترة تنتهى بالوصول الى معنى - فداية الخليل بكل شي - تحياتي

الله يعافيكـ على الرد الطيب من رجلا طيب

[االعدهي الرشيدي]

صح لسانك قصيدة منسقه
ورائعه
تحياتي

[وسام عبس]

صح لسانك قصيدة منسقه
ورائعه
تحياتي

[عبدالله العرعري]

الذيابي صح لسانك على هالابيات الجميله ودائماً مبدع في طرحك ولاهنت على كل حاال

[ذيب المناخ]

صح لسانك قصيدة منسقه
ورائعه
تحياتي

[الذيابي33]

يسلموووووو الله يعافيكم