[العالم الفلكي]

بسم الله الرحمن الرحيم

السلام عليكم ورحمة الله وبركاته

هذه المحاورة بين الشاعر وضاح اليمن والشاعر شاعر الوطن


وضاح اليمن

يابو شلهوب لاح البرق فوقك لاح=والسحابه على راسك نزل ماها
انت وشبك تصيح بعالي الومـاح=تشتكي والقضيه ماعرفناها

شاعر الوطن

سال سيل المطر وارتاحت الارواح=واليمن من مطرها طيح ابناها
مانعرف ابو شلهب وانت يا وضاح=ويش جزل العلوم اللي تمناها

وضاح اليمن

سال سيل المطر وغرق هل الاسياح=واليمن سالمه من فضل مولاها
كل شين تعرفـه وبعـد المصبـاح=واي كرمه تقدمها بلقاها

شاعر الوطن

فوق راس اليماني سقف بيته طاح=وكب بيته وديرت صنعا خلاها
ويش علمك باهل اقفار ولا ارماح=الفتن من هم وشلون ترضاها

وضاح اليمن

عوذ بليس خل المستمع يرتـاح=ينشرح صدر رجلٍ يرغب اغناها
يعرف دياركم من وصلها سواح=وماانا ماعرفها ولاعرف اقراها

شاعر الوطن

انت وضاح لكن حاجت الاصلاح=دايم العله نكويها في علباها
ابك انا بشرك يا صاحبي مرتاح=ديرتي يولد يابعد ممشاها

وضاح اليمن

قربت قربت تسليمة المفتـاح=الحقايق مع الطرقه عرفناها
تنبسط او لعل القدر فوقك فاح=ذا يخصك بصالحها وعمياها

شاعر الوطن

مات صقر النصافي ومات ابن شلاح=وانته اشعارهم وشلون تنساها
تو تصحى لها يـا قليـل الاربـاح=كلمتك قلنا وش كان معناها

وضاح اليمن

ابك ذولا جبل لو زيح ماينزاح=مع رجال المعرفه طالت الحاها
كل واحد من الاثنين كالجراح=لالقا علتن بعد الله اشفاها

شاعر الوطن

ندري لكن هات العلم يا تمساح=هات ذيك العلوم اللي تحاشاها
الغبي يحسب اهروجه تبا تنزاح=وكان شبت عليه النار ماجاها

وضاح اليمن

من وقع بالبحر وهوه ماهو سباح=روحه الغاليه بكره بكيناها
والنهايه بورد وعنبـرن فـواح=بحسن اطياب لصاحب ختمناها

شاعر الوطن

انت وضاح قرقح قرقحت قرقـاح=وحنا عبس الشجاعه ترعب اعداها
لا تحسب الغني يشفق على الفلاح=ومن معه حجةٍ لابد يبداها

الموضوع الأصلي: وضاح اليمن + شاعر الوطن | | الكاتب: العالم الفلكي | | المصدر: شبكة بني عبس

[ناصر خنيفر]

مشكور على تنسيق هذه المحاوره

[العالم الفلكي]

اقتباس من مشاركة ناصر خنيفر مشكور على تنسيق هذه المحاوره

العفو يابوتركي ومشكور على المرور والتعليق

[سهــــــــــيل]

محاوره رائعه



العالم الفلكي مشكوووووور على التنسيق

[العالم الفلكي]

اقتباس من مشاركة سهــــــــــيل محاوره رائعه العالم الفلكي مشكوووووور على التنسيق

العفو وانت مشكور على المرور والتعليق

[شاعر الوطن]

الله لا يهينكم على المرور وخاصه العمده هههه الي المفروض يحاسب وضاح محاسبه شديده

وشكرا يالعالم الفلكي على التنسيق

[العالم الفلكي]

اقتباس من مشاركة شاعر الوطن الله لا يهينكم على المرور وخاصه العمده هههه الي المفروض يحاسب وضاح محاسبه شديده وشكرا يالعالم الفلكي على التنسيق

العفو وانت مشكور على المرور والتعليق

[الاشقر]

الله الله يا وضاح انت وشاعر الوطن شعار مافيكم حيله

صح اللسانكم محاورة استمتعت بقرائتها