[غربة الروح !!]

تنهيدتي خفّي على باقي الروح
طيّرتي بـ آهك عصافير صدري

عبث وأيادي الحزن تبني بي جروح
والوجد يبعث بين الأضلاع قبري

والصمت يجرح مثل ما يجرح البوح
والـ آه تشعل نارها بـ جوف خدري

يسألني الإحساس من وين ماروح
متى شروق الشمس؟ وأردّ: مدري!

صدري وطن عوّد فصوله على النوح
قوته صبر يستسقي بغيم طهري

والآه غربة عمرها من عمر نوُح
تعزف على ناي التناهيد عمري

يزفر بها صدري مثل سر مفضوح
لا شالها صدري ولا الناس تدري !

تنهيدتي صوت الطفل منك مبحوح
لا تجرحينه ينتثر دم عذري

دام الفرح في مفرق الصدر مذبوح
والجاني يلثم فرحتي خلف ظهري

تنهيدتي هذا الحزن مابه مزوح
لا تخفضين الصوت ويطيح قدري

تأوهي دام السماء حضن مفتوح
وجنون شوقي خيل والدمع حبري !!


مما راق لي

الموضوع الأصلي: تنهيدتي خفّي على باقي الروح | | الكاتب: غربة الروح !! | | المصدر: شبكة بني عبس

[النمر1012]

صح اللسان شاعرها وتسلم يمين وناقل ذائقه شعريه رائعه واكثر من رائعه

تنهيدتي هذا الحزن مابه مزوح
لا تخفضين الصوت ويطيح قدري

تأوهي دام السماء حضن مفتوح
وجنون شوقي خيل والدمع حبري !!

اللي راق لكم راق لي

[غربة الروح !!]

النمر 1012 ..لاهنت ع مرووورك الراااقي

دمت بخير

[الزعيم..]

دام الفرح في مفرق الصدر مذبوح
والجاني يلثم فرحتي خلف ظهري

اختيار راااقي

مشكووره

[غربة الروح !!]

العفووو خيو .. ولاهنت ع مروورك الذوووق

دمت بخير دوووم

[احمد منيف]

صح الله لسـان شاعرها ومشكوره اختي ع النقل الطيب

[سعيد عيد الرشيدي]

اختيـار كعذوبة ناقلها
وصح لسان شاعرها
تقبلي مروري وتحياتي

[سحايب]

صح الســـــــــــــان شاعرها
وسلمت يمناك ياغلاهم
قصيده بحق رااائعه