[االعدهي الرشيدي]

رائعه من روائع العدواني
--------------------------------------------------------------------------------
طالبك تسكت ولاتنشد يابو سفاح

ماودي يزعل كلامي واحد موالي

مالقلب طيب ولا بالي بعد منساح

والخوف اجمع غثى الاول على التالي

ياما وياما تركز بالضلوع ارماح

لكن رمح الرفاقه يزيد غربالي

مابين هرج الشماته وضحكت المزاح

شعره بسيطه وانا ماني على فالي

وحده بوحده وتصبح القلوب اصحاح

لو كان طبعي ابد ماصار ذا حالي

ولوي من اللي يناطح صياح بصياح

ماكان تعبت اركابي في وقف عالي

الله وكيلك يانايف وش بقى ماطاح

واقرب قريبٍ غدى في صف عذالي

اذكر خسرت وخسرت ولاجنيت ارباح

الله يعوض جهودي والله الوالي

واسمع عزايا في ذيب في عواه انباح

بيتٍ واحطه مع تصنيف الامثالي

الحر دايم تغشه ريشه الملواح

لكن يبقى عزيز ومنزله عالي

خلني بفضفض بشعري كني المرتاح

بكتبه مره بعقل واحيان بهبالي

بعسف امهار القصايد وارتشفها قراح

وياكثر ناس هوت قافي وموالي

بنيت نفسي بنفسي والتحفت وشاح

واخترت انا في رفيع المجد منزالي

والحاسد اللي بغاني مامعاه سلاح

ياكود هرج القفيا وجوفه الخالي

طالبك رحمه وارجه لي يابو سفاح

لايحدني واقلب الاول على التالي
..

اتمنى ان تنال اعجابكم..

منقول..

الموضوع الأصلي: رائعه من روائع العدواني... | | الكاتب: االعدهي الرشيدي | | المصدر: شبكة بني عبس

[مريف الرشيدي]

مشكور على النقل

[االعدهي الرشيدي]

العفوووووووووووووو

[والله ياني قديم]

قصيده عاديه لاتستحق النشر

[االعدهي الرشيدي]

والله انك جنط احد سالك؟؟؟
القصيدة من زمن جدي وتقول قديمه
هههههه بجد جنط
اقراء وانت ساكت يافتى