[عبدالعزيز الخياري]

أهدي إليكم هذه المحاوره والتي جرت في حائل
وهي بين راشد السحيمي الحربي ودحيم الخياري الرشيدي.

راشد السحيمي:


مرحبا باللي حضر باسمي وباسم اعيال جدي
هم حرب اللي طلع منهم نويشـي والبلالـي

جاك كاس العالم وجتك البطولـه والتحـدي
مادريت إلا وانا جالس على الشاشه لحالـي



دحيم الرشيدي



البقا باللي يـرد وكـل صفـه مستعـدي
في محل اللي لهم عند العرب قدر وجلالي

كان ودك بالتحـدي ليلـة الاثنيـن ودي
مانقلت السيف من شان القريب والموالي


راشد السحيمي:


يادحيم لابغيت اتحـرض الشعـار ضـدي
ماأنت قادر تغوي إلا الاجودي وبن الحلالي

كان ودك بالصحيح أنته صغير ماأنت قدي
يوم تلقالك ظـلال ويـوم ماتلقـا ظلالـي


دحيم الرشيدي:


وش مدى تاثير راشد يوم اسويله تحدي
قالها حبيب وابا أقوله بعد جاله مجالـي

كان مانت بقدي اجلس بالمعالي لاتعدي
أنت ماندري وأنا اللي كامل بكل الحوالي




راشد السحيمي:


أدري أنك مثل غيـرك لاتجيـب ولاتـودي
يوم تسوالك ريال ويـوم ماتسـوى ريالـي

يالخياري لي ثلاث سنين واقف عنـد حـدي
وانت غالي عند نفسك عند غيرك مانت غالي


دحيم الرشيدي:


يالسحيمي طيع شوري صير من حالك وردي
وانت رقمن موقعه معروف صفر من الشمالي

كل شاوي مايداني الذيب والذيـب امتعـدي
ماعليه من الكـلاب اللـي تنابـح بالمفالـي



وسلامتكم.

الموضوع الأصلي: محاورة راشدالسحيمي ودحيم الخياري | | الكاتب: عبدالعزيز الخياري | | المصدر: شبكة بني عبس

[بشيرالشويلعي]

يالسحيمي طيع شوري صير من حالك وردي
وانت رقمن موقعه معروف صفر من الشمالي

-----------------------------------------------------------------
قوة النقض وسرعة البديهة وهبة من الخالق ، صفة تميَز بها شاعرنا الكبير دحيم الخياري 0

[الاجهر]

اشكرك اخي / الشاعر عبدالعزيز

محاورة رائعة وشعر ذات جودة وقوة

ماننحرم منك

[عبدالعزيز الخياري]

اقتباس من مشاركة بشيرالشويلعي يالسحيمي طيع شوري صير من حالك وردي وانت رقمن موقعه معروف صفر من الشمالي ----------------------------------------------------------------- قوة النقض وسرعة البديهة وهبة من الخالق ، صفة تميَز بها شاعرنا الكبير دحيم الخياري 0

شكرا لك ابو عبدالله على المرور

[ريان]

كل شاوي مايداني الذيب والذيـب امتعـدي
ماعليه من الكـلاب اللـي تنابـح بالمفالـي

صح لسانك يالخياري بيض الله وجهك ياشاعرالقبيله هذا الكلام سلمت على النقل اخوي عبدالعزيز وياليت تنزل محاورة دحيم وذيب او محاورة دحيم ومطلق النومسي

[صالح سعود]

الاخ الغالي - عبد العزيز الخياري


شكرا لك على نقل هذه المحاورة

بين الشاعر الكبيرين دحيم الخياري , وراشد السحيمي



تقبل تقديري الخالص