[الاجهر]

اخترتها لكم

يالله ياللي تسجد الناس لرضاه=ياوامر(ن)خلقه على حج بيته
تفرج لمن سده على الناس ما ابداه=راضي على مقسومك اللي عطيته
شئ يسل الحال والجسم يبراه=والناس ما يشفون إما شفيته
قالوا سفا بالحال وش اللي أغواه=قلت آه ويش المنكر اللي وطيته
قالوا جهلت وبان علمك لمنهاه=قلت آه علمي ياملا ما كميته
قالوا ندور لك مع الناس حلياه=قلت آه لو غيره بكفي رميته
قالوا تزوج كود تدله وتنساه=قلت آه لو خذت أربع(ن)ما نسيته
قالوا من أقصى الناس وين أنت وياه=قلت آه ما أنسى يوم جاني وجيته
قالوا نشوفه عند هذا وهذاه=قلت آه ما عمره عقب حجر بيته
قالوا عليل(ن)ناقل(ن)داه برداه=قلت آه بأقرابي وروحي فديته
قالوا كثر شيبك وقلبك بعمياه=قلت آه لو قلبي غرير(ن)نهيته
قالوا نشير ولا نفع ما حكيناه=قلت آه هراج النمايم عصيته
يا ناس خلوا كل وادي ومجراه=قلتوا كثير وقولكم ما لقيته

الموضوع الأصلي: قالوا نشوفه عند هذا وهذاه | | الكاتب: الاجهر | | المصدر: شبكة بني عبس

[وسام عبس]

صح السانك
وتسلم ايدك وربي يعطيك العافيه
تحيااااااااااااااااااااااااااااااااااااااااااااااا ااااااااااتي

[فلاح الرشيدي]

يا ناس خلـوا كـل وادي ومجـراه

قلتـوا كثيـر وقولكـم مـا لقيتـه

مشكور وماقصرت هالبيت يكفى يابو سعود

تقبل مروري

[فهد العوضه]

يالاجهر من وين تجيب الجواهر ولى تدري الجواهر انت وقلمك ,,,,,, بصراحه كنت عطشان قصيد واحساس راقي مثل هذي القصيدة
واشكرك مليار شكر تتنظر جديدك وابداعك ,,,,, تقبل مروري تحياتي يالاجهر