[صادق الوعد]

محمد ابن الذيب

على خط جسر بقيق.. مريت جسر بقيق= وانا غترتي من فوق راسي...ورابطها
دوي الرعد ف أذني دوي طايرات الميق= ابي ديرة مانيب جاهل خرايطها
عشان من يحلم بزولي قبل مايفيق= والى فاق ذاكرته على الحلم سلطها
معاه العذارى لو تهايط ..مساء واشراق= عليم أن غلاه ان قد يوقف مهايطها
عليه الوصوف النادرة راكبه ..وتليق= تحوطه من زود الميانه .. وحوطها
كساير ذهبه اللي لها في النحر ..تبريق= تغبط على منحره .. والنحر غابطها
ياغصن الغلا .. يا الله بالخير..والتوفيق= تبا تغنم الفرصه معاى ..او تفرطها
جدايله ماتدري وش المشط ..يا ابن رزيق= تعرض على على شهب الهبوب وتمشطها
ابسمعك بيتين ماهيب للتلفيق= وبيتين تصلح لك وبيتين سافطها
وبيتين يلحقها من المنتقد ..تحقيق= وبيتين ماتعجبك .. ولا تعابطها
الذ الوصال .. مواصلك الا ياحلى ما ذيق= عسل نحلته شفتك.. والثغر مسقطها
غرامك غضى الجمرة ..يفوح عليه ابريق= ترفق على كبدي..ترى البعد شاحطها
تخبر الدموع اللي سرت من عيونك ضيق= لقاها هدب عيني حزينه ..وقلطها
وقامت تجمع من على محجري ..وتويق= والى حولت ماعاد يمديه ..يلقطها
ولكن ماعليها خوف ..خل الدموع تريق= خدودي لدمع من سبايبك..باسطها
صغاير الأمور اشيلها..والكتوف تطيق= وعظيم الامور تهزني .. واتباسطها
ونا ماعلى من شلة الضحك.. والتعليق= اعرف الخيول النادرة من مرابطها
وادور على الجزله .. لو انها برأس طويق= ضعاف النفوس الله من الارض.. يسخطها
ابي شوفتك من دون موعد..ولا تنسيق= لو انك مابين ابو الرجاجيل .. وانشطها
عذاب المماة امن التوجاد.. والتفريق= ولذيذه مابين اطراف كبدك .. وباسطها
لو احملك ذنبي ..خطا يالذيذ الريق= انا قبل اعرفك ..رايح في خرايطها

الموضوع الأصلي: قصيده ,,,لشاعر محمد الذيب\\خط بقيق | | الكاتب: صادق الوعد | | المصدر: شبكة بني عبس

[أنكسارحلم]

صادق الوعد

صح السانك والسان الشاعر محمد الذيب

ومشكور على هذا النقل



تحياتي

[بدر نوران]

.
.

صح لسان الشاعر ولاهنت يمين الناقل



تحيتي

.

[عبدالله عوجان]

اشكرك على نقل مثل هذه القصايد الجميله
وصح لسان ابن الذيب الشاعر العملاق

[بندر الذيابي]

صح لساااااااااااان الشاعر

وسلمت علي النقل الرائع

تحياتي


بندر

[صادق الوعد]

اقتباس من مشاركة ناصر الشويلعي صادق الوعد صح السانك والسان الشاعر محمد الذيب ومشكور على هذا النقل تحياتي

الاخ ناصر ... يشرفني مرورك

[صادق الوعد]

اقتباس من مشاركة بدر نوران . . صح لسان الشاعر ولاهنت يمين الناقل تحيتي .

الوافي ,,,,,,, اشكرك على المرور

[صادق الوعد]

اقتباس من مشاركة عبدالله عوجان اشكرك على نقل مثل هذه القصايد الجميله وصح لسان ابن الذيب الشاعر العملاق

مشكور ابن عوجان على المرور