[سعد الشقل]

انقل لكم المحاوره بين الشاعرين المعروفين

صياف الحربي الله يرحمه ودحيم الخياري


دحيم الخياري

مرحبا في من حضر في حفل بني رشيد=بالطراقي كلهـا كبارهـا وصغارهـا
جيت ياصياف طرقي وعاني من بعيـد=مرحبا بك والطراقي نحـب اخبارهـا

صياف:

بارك الله فيك ياراعي البيت الجديـد=من رجال(ن) بالشرف كملت مشوارها
اجتمعنا ليل جمعه وبكره يـوم عيـد=ياعساها معرفـه ماتبيـح اسرارهـا

دحيم:

بيتنا معمور والنـاس للخالـق عبيـد=في جنوب الارض ويمينها ويسارهـا
مانزل سوق الذهب غير تاجر له رصيد=اشترا وابتاع بالسـوق مـع تجارهـا

صياف:

المجالـس عامـره بالسوالـف والقصيـد=ماتزيـن الملعبـه غيـر مـن شعارهـا
انت عندك خمس حاجات ماأدري وش تريد=مـار دور وحـده جاهـزه واختـارهـا

دحيم:

السوالف بين عنتر وبين ابن الوليد=طايره ركابها تنظـر لطيارهـا
مانبا إلا الطيبه وأهل الراي السديد=والله أنه يكفي الناس شر اشرارها

صياف:

دق زير المعركة عند هارون الرشيد=مار قل للزمل ترتاح فوق ازوارها
البدو راحم حضر لانزول ولا شديد=مزرعه خضرا وفله طويل اجدارها

دحيم:

الجمال امعقله والقياد مـن الحديـد=يالسحيمي عقلها تنصح من اوبارها
العباد تريـد والله يفعـل مايريـد=أهل الطوله على العز شبت نارها

صياف:

البنـادم يعبـد الله شقـي ولاّ سعـيـد=من عرف مدخال بقعا عرف مضهارها
كلمة العاقل ثقيلـه ماتنقـص ماتزيـد=وارضكم تحت المطر مايطير اغبارها

دحيم:

من يعبد لخالقه فاز في يوم الوعيـد=والله اللي يعلم إسلامهـا وكفارهـا
يالسحيمي خوذ من راسي العلم الاكيد=ماوقف دون المدينه ياكود انصارها

الموضوع الأصلي: دحيم الخياري × صياف الحربي | | الكاتب: سعد الشقل | | المصدر: شبكة بني عبس

[(*العرعري*)]

بيض الله وجهك ياسعد على نقل المحاورة الرائعه

[سعد الشقل]

تشرفت بمرورك العطر يالعرعري ../