[مهند العرعري]

قصه مؤثره

وانا صغير مثل كل المراهقين كان يجذبني اللون البراق ..

ونسي والدي ان يخبرني ان ليس كل مايلمع ذهباً ..</B></B>
انشغال والدي بتجارته ووالدتي بتربية اخواني جعلني فريسه سهله لكل من في نفسه مرض ..

هكذا عرفت النصر ..

اصدقاء السوء لم يتركوا لي مجالاً للتفكير...

ماجد محيسن الهريفي شوف الكوبري ياروحي يابو عبدالله اييييه ..








اعتقدان هذه هي الكوره وهذا منتهى الفن ..

عشر سنوات

من الضياع والتعب النفسي الناس تاخذ بطولات وانا امدح ماجد ومحيسن ..

يقولون لي فريقك ماجاب الدوري اقول ايه بس ماجد جاب كوبري ..

يقولون فريقك مهدد بالهبوط اقول ايه بس ماجد لاعب القرن ..

اشوف النصر ينهزم واردد مايقوله الريس عن التحكيم ..

عشر سنوات ..



وانا اذا دخلت مجلس اتحاشا اقول اني نصراوي ..

تعبت نفسياً واصدقاء السوء راحوا مع اللي راح بعد مازرعوا في نفسي كوره غلط في غلط ..

وكالعاده بعد ماغادرت مدرجات ملعب الملز منكس الراس وفريقي مهزوم ..

خليت السياره ورحت امشي حول الملعب اخفف من الوجع ..

وافكر في نفسي ..

وصدفه قابلت زميل كان معانا في الحاره ماشفته من 20 سنه ..

كنت اكرهه لسبب واحد كان هلالي ..

شافني وسلم علي

والسعاده واضحه في ملامحه عرف قصتي يوم شافني ماسك العلم النصراوي ..

كان مؤدب ولا حارشني قال بأدب الله يعينك الى هالحين نصراوي ..

بغيت ابكي وخفت يعلم العيال عني ..

ماقدرت اطالع عينه .. عرف جوابي ..

مشى جنبي ساكت يوم

وصلنا السياره عطاني شريطين للهلال وقال اذا شفت نفسك فاضي طالع هالشريطين ..

وعطاني رقم جواله ..

وصلت البيت ..



رميت الاشرطه وقلت ماناقص الا اطالع مباريات الهلال ..

حاولت انام وكل ماتذكرت ترتيب النصر في الدوري طار النوم ..

رحت امشي في الحوش وانا اقول الدخان والنصر واحد منهم راح يقضي عليَ ..



رجعت الملحق اقلب في الدش ملل..

وشفت الاشرطه اللي عطانياهم صديقي الهلالي ..

قلت وش أنا خسران بدال ها لطفش خلني أشوف الهلا ل واضحك عليهم ..



بديت أطالع الاشرطه ..

شي من الهدوء والسكينة بدا يتسلل إلى نفسي ..

شفت شي عكس اللي كانوا أصدقائي يقولونه ..

شفت فن .. شفت كوره حقيقية ..

شفت بطولات من كل شكل ونوع ..

الحين عرفت ليش جمهور الهلال أكثر سكينه وهدوء ضاع مني..

عشر سنوات من التخبط والضياع ..

تونى أشوف الكوره الصح ..

كل ما خلص الشريط رجعته من الأول اللين نمت ..

صحيت الصبح وكلمت صديقي الهلالي طلبت منه أشرطه ثانيه وثالثه ورابعه ..

ما هو عيب إني عشت ضايع العيب استمر ضايع ..

عرفت الفن ..عرفت الكوره ..

عمري اللي راح في القهر والتعب والمجادلة الكذابة ..

انضميت لشباب هلاليين علمتهم بقصتي ..

اخذوا بيدي ساعدوني..

خفت اضعف وارجع لاصدقاء السوء ..

كل ماضعفت رجعت شغلت واحد من الاشرطه وهدأت نفسي واطمأنت ..



لي سنتين من يوم اهتديت ..

أهلي فرحانين بالتغير اللي طرأ على شخصيتي صرت أكثر هدوء وأكثر روقان ..

تحسنت إنتاجيتي في عملي وهذا شي طبيعي ..

صرت إذا جلست في مجلس وقلت إني هلالي ما عاد احد يتجرأ يتحرش فيني ..

الأرقام تتكلم .. والمنصات تشهد ..

هذي قصتي .. اهديها لكل نصراوي في غفلة ..

الأيام تمضي والسنين تركض ..

العمر واحد حرام نقضيه في ذل وتعب وقهر..

سعادتي اكبر من إني أحطها رهينة أقدام حلوي وجهوي ..



إلى كل نصراوي اهدي قصتي لتكن عبره وعضه ..

لعل الله ينفع بها احد التائهين .. ا.هـ

هذي قصة نصراوي وصلت لي عبر الايميل للامانة

الموضوع الأصلي: قصه حقيقيه لأحدى أصدقاء مع الضياع عشر سنوات القصه حقيقيه!! | | الكاتب: مهند العرعري | | المصدر: شبكة بني عبس

[المالح]

قصة مؤثره
الله يعين كل نصراوي

[شهاليل]

كح كح كح
>> فيني صيحـــه
ممكن احد يعطيني منديل
خخخخخخخخخخخخخخخخخخخ
اخ مهند
بقولك شي بس لاتتحطم
القصه هذي مكتوبه في واحد هلالي
بس لانهم شاطرين في كل شي
الفبركه النصب الاحتيال >> بدت تجيب العيد خخخخخ
قاموا عدلوها وحطوها بالنصر
خخخخ والشمس لاتغطى بغرباال
.
.
بقولك شغله
من جُن بحب النصـــر فهو عاااقــل .. ومن جُن بحب غير النصر فهو مجنووووووووووووون
ودمت بخير

[مهند العرعري]

مشكوره اخت شهاليل على حبك لنصر بس صدقيني ليس بمحله
ودام عزك ياهلال شجعي نادي الانصار احسن لك

[ولد عبس الرشيدي]

دائما ما اشاهد مواضيعك المنقوله من مواقع اخرى بدون مراعاه لشعور كاتب الموضوع يامهند ،

ودائما مانراك تهاجم النصر في كل مواضيعك وهذا مايثبت ان الشجره المثمره دائما ماترمى بالحجر ، المضحك بالامر انك تتحدث عن اسطورة الكره الاسيويه ماجد عبدالله والنجوم الكبار فهد الهريفي ومحيسن الجمعان وتحاول التقليل منهم ، وهذا مايثبت الجهل الكبير لديك ، ولا الومك قد يكون لصغر سنك دور في ذلك او قد يكون لصغر سن صاحب الموضوع الاساسي دور في ذلك

دمت شامخا يا نصـر

[مهند العرعري]

اخوي ولد عبس اذا كنت انقل موضيع انت شفتها فهاذا جهد اشكر عليه لني اخدم المنتدى بلمواضيع الشيقه
وانا من طبعي اكتب مواضيع ورد دايم بشكر ولله الحمد هناك الكثير الي ينزل مواضيع من منتديات كثيره وانا واحد منهم
واتمنى ان ارى لك مواضيع عن ناديك اذا كنت تفخربه هناك نصراووين كثر يقولون اني اتحامل على النصر ولا ينزلون ماضيع تعكس شغفهم لفريقهم فقط يكتفون بتصفح عفوا اذا كان له ناديك النصر مجد وتاريخ اتمنى ان تعرفنا به كما انا ابذل لعرفكم بنادي المفضل اما عن عمري اعتقد هناك الكثير صغير وكبير باعقلهم وكبير بعمره مثلك وصغير برده
وشكرا للك واتمنى ارى مواضيعك في القريب العاجل كي اعرف النصر متى اخر مره فزتم على الهلال؟لاتقولي السنه الي راحت البطوله كانت تحت 23 وشكرا

[ولد عبس الرشيدي]

اقتباس من مشاركة مهند العرعري اخوي ولد عبس اذا كنت انقل موضيع انت شفتها فهاذا جهد اشكر عليه لني اخدم المنتدى بلمواضيع الشيقه وانا من طبعي اكتب مواضيع ورد دايم بشكر ولله الحمد هناك الكثير الي ينزل مواضيع من منتديات كثيره وانا واحد منهم واتمنى ان ارى لك مواضيع عن ناديك اذا كنت تفخربه هناك نصراووين كثر يقولون اني اتحامل على النصر ولا ينزلون ماضيع تعكس شغفهم لفريقهم فقط يكتفون بتصفح عفوا اذا كان له ناديك النصر مجد وتاريخ اتمنى ان تعرفنا به كما انا ابذل لعرفكم بنادي المفضل اما عن عمري اعتقد هناك الكثير صغير وكبير باعقلهم وكبير بعمره مثلك وصغير برده وشكرا للك واتمنى ارى مواضيعك في القريب العاجل كي اعرف النصر متى اخر مره فزتم على الهلال؟لاتقولي السنه الي راحت البطوله كانت تحت 23 وشكرا

بالبدايه اتمنى اخبارنا بمدرس اللغه العربيه الذي درسك اخي مهند ،لانني سأرفع عليه دعوى قضائيه

اما بالنسبه للنقل واباحته من قبلكم ، يا اخي الكريم انقل المواضيع واكتب منقول حفظا للحقوق ، هذا اولا ، وثانيا العالمي ليس بحاجه لدعايه ولتعريف لكي انقل مواضيع عنه فالمعرف لايعرف ، اما متى اخر مره فزنا بها على الهلال فأتركها للقاريء الكريم الذي يستطيع ان يفصل في ذلك ، ويتضح لي جليا من كلامك ان فوزكم على النصر يعتبر انجاز فهنيئا لكم بهذا الانجاز يامهند ،،،،، وانا استشفيت كلامي من ماقلته انت ولو انك اتعبتني هداك الله لكثرة اخطائك الاملائيه ،

[مهند العرعري]

مشـــــــــــكور ولد عبس اذا كان هناك اخطاء املائيه فهذا من حماسي للرد على الموضوع مشــــكور وتقبل تحياتي
اذا النصر فريق كبير فل يفوز على الاتحاد ويقابل الهلال صدقني لو فاز النصر سوف اكون اول المهنئين لنصراوين في المنتدى