[جمعان خلف]

أتقدم بهذه القصيدة إلى
أبناء الشيخ فضي بن صويلح القلادي الرشيدي وكل من يحب هذا الرجل ,
غفر الله له واسكنه فسيح جناته والهم أهله وذويه الصبر والسلوان
إنا لله وإنا إليه راجعون

مرحوم يالفارس 0 الشهم 0 الكريم 0 الرضي = اللي ترجّل عن جواده وسلّم عصاه
رحل رحيل الفراق 0 وماكتب له قضي = وصل لنهاية حياته طيّب الله ثراه
يالله عسى قبره بنور السعاده يضي = يارب تغفر له ذنوبه وتغسل خطاه
اليا تذكّرت وقفاته معي بغرضي = والصدق 0 والطيب 0 والترحيب باللي نصاه
قلت امطري ياشعوري 0 واحضري وانهضي = وشدي من ازري ودليني على الاتجاه
نامت شعور الفرح ياموهبتها ايقضي = الشعر في موقفه هيا ابحثي لي خفاه
وش خانت الشعر لامنه قصر عن فضي = لاخير في قايله واللي كتبه وقراه
وأنا سبب علتي يابو على ومرضي = افراق بعض الرجال وفقدهم بالحياه
الراس من كثر ماتمطر عيوني فضي = جفت ينابيع صبري والسحاب يغشاه
يامبارك وياخلف وخليف لاياعوضي = العود مامات وأنتم في مكانه وراه
أنتم على سيرته نار الكرم تلتضي = علّمكم الطيب وأنتم حافظين الوصاه

محبكم / جمعان خلف الرشيدي

الموضوع الأصلي: قصيدة رثاء في الشيخ / فضي بن صويلح الرشيدي يرحه الله | | الكاتب: جمعان خلف | | المصدر: شبكة بني عبس

[احمد رباح]

صح لسانك
والله يرحم المرحوم ويجعل مثواه الجنه

[بركات]

الله يرحمه وجزاك الله خير

[برق الوسم]

رحم الله الشيخ فضي بن صويلح القلادي الرشيدي واسكنه فسيح جناته
الشاعر‏جمعان خلف
صح لسانك وجزاك الله كل خير ع هالقصيده
تقبل مروري

[جميل مساعد]

رحم الله المتوفي وصح لسانك .. تحياتي

[مرزوق العجوني]

رحم الله الشيخ فضي بن صويلح القلادي الرشيدي واسكنه فسيح جناته

صح لسانك ولا هنت وتقبل مروري

[جمعان خلف]

الاخ أحمد رباح

صدقني أنا الرابح في مرورك على هذه القصيدة
شكرا لك

[هاني العرعري]

صح الله بدنك على هذه القصيده الرائعه