[هاني العرعري]

وين هالغيبه عسى ماهي إفـراق
ليه تبخل بالمجـي خلّـك كريـم
خابر ان الجرح لا صابه حـراق
مـا يفيـده طـبّ والله العظيـم
ينشدوني وين من رمشه دقـاق؟
قلت مدري ذاك خبري بـه قديـم
الغلا راعيـه لـه قلبـن رقـاق
لو جفيته صارت ضلوعه هشيـم
لو زعل لو شال غيضه واستضاق
ما يخرّبهـا وجرحـه بالصميـم
ادمـح الـزلاّت زلاّت الرفـاق
خصّ لا من صار راعيها حشيـم
واكره الخـوّان كرهـي للعـراق
واعشق الوافين عشقـي للقصيـم
عند اهلها غاليه وضـح النيـاق
وانت عندي يمكن اغلا يا وسيـم
ان بغيت افراقنـا هـاك الفـراق
وش نبي بالحب دام الحب ضيـم

متعب التركي

الموضوع الأصلي: وضح النياق | | الكاتب: هاني العرعري | | المصدر: شبكة بني عبس

[منصور غنيمان]

الله يعطيك العافيه على النقل وصح الله السان شاعرها

[طلال محمد ناهس]

لله يعطيك العافيه على النقل وصح الله السان شاعرها

[هاني العرعري]

اقتباس من مشاركة منصور غنيمان الله يعطيك العافيه على النقل وصح الله السان شاعرها

اسعدني مرورك ولا هنت يالذيب

[هاني العرعري]

اقتباس من مشاركة طلال محمد ناهس لله يعطيك العافيه على النقل وصح الله السان شاعرها

لاهنت اخوي مرورك اسعدني